Qərb Azərbaycana qarşı sanksiya tətbiq edəcək? - AÇIQLAMA

 

Bunu Britaniya deputatı və XİN rəhbərinin Qazaxıstan və Azərbaycana da sanksiyaların tətbiq edilməsi fikrini şərh edən deputat Cavid Osmanov Sfera.az-a açıqlamasında deyib.

 

"Rusiya və Ukrayna arasında baş verən münaqişə zəminində bir sıra Qərb ölkələri tərəfindən Rusiyaya qarşı sanksiyalar tətbiq edilir. Britaniya parlamentində Ukrayna böhranının müzakirəsi zamanı britaniyalı deputat məhz bu səbəblə belə bir təkliflə çıxş edib. Əslində, belə bir təklifin verilməsi Rusiyaya digər dövlətlər tərəfindən dəstəyin qarşısının alınması ilə bağlıdır. Lakin onlar eyni zamanda onu da görməlidirlər ki, Azərbaycan müstəqil siyasət yürüdən ölkədir və milli maraqlarına söykənir. Bu baxımdan Azərbaycan dövləti münaqişənin ilk başlarından qeyd etdi ki, bu məsələnin diplomatik yolla həllinin tərəfdarıdır və danışıqlarda vasitəçi olmaq niyyətindədir. Bu səbəblə düşünürəm ki, ölkəmizə qarşı hansısa sanksiyanın tətbiqi gözlənilən deyil”.  

  

Millət vəkili ermənilərin də bu çıxışla əlaqəsinin ola biləcəyinə diqqət çəkib:

"Bundan başqa biz bilirik ki, dünyada erməni lobbisi var və onlar bir çox ölkələrdə deputatları, senatları ələ alıblar. İmkan düşən kimi onlar bundan Azərbaycana qarşı istifadə edirlər. Bu baxımdan deputatın belə bir mövqe sərgiləməsi ilk növbədə ikili standartların bir təzahürüdür, yaxud da erməni lobbisindən qaynaqlanan məsələdir”.