Moskvada müharibə əleyhdarlarına SƏRT MÜNASİBƏT: 2 ana və 5 uşaq saxlanıldı - FOTO
Media
10:46 / 02.03.2022
1398
Rusiyada yüzlərlə insan küçələrə axışaraq Ukrayna ilə müharibənin dayandırılmasını və sülhün bərqərar olmasını tələb edib.
7-11 yaş aralığında olan uşaqlar əllərində "Müharibəyə yox” yazılmış plakat daşıyaraq səfirliyin binası önünə gül dəstələri qoyublar.
Bu əsnada ətrafda təhlükəsizlik tədbirləri həyata keçirən Rusiya polis qrupları 2 ana və 5 uşağı saxlayaraq avtomobillərinə mindirib.
Polis bölməsinə aparılan qadın və uşaqlar dindirildikdən sonra sərbəst buraxılıblar. Hadisə Rusiyada böyük əks-səda doğursa da, Rusiya Daxili İşlər Nazirliyi hadisə ilə bağlı hər hansı açıqlama verməyib.
Qeyd edək ki, paytaxt Moskva və Sankt-Peterburqda Rusiyanın Ukraynaya hücumuna qarşı keçirilən icazəsiz aksiyalarda yüzlərlə insan iştirak edib.
Nümayişlərin icazəsiz keçirilməsi barədə xəbərdarlıq edən polis insanlara sərt şəkildə müdaxilə edib.
Nümayişlər zamanı 260-dan çox şəxs saxlanılıb.
Əzizə Zeynal
