Sfera.az "The Wall Street Journal”a istinadən bildirir ki, tədqiqatların ilkin nəticələri mütəxəssisləri təəccübləndirib. Məlum olub ki, qırmızı planetin qabığı bir neçə qatdan ibarətdir və gözlənildiyindən daha nazikdir.

Belə ki, cihazın yerləşdirildiyi yerdə birinci qatın qalınlığının cəmi 8 kilometr, ikincisinin  isə 20 kilometr olduğu aşkar edilib.  Alimlər həmçinin,  Mars qabığının sərhədləri haradasa 39 kilometr dərinlikdə olan üçüncü qatının  olduğunu da  təxmin edirlər. Planetin üst qabığının qalınlığı orta hesabla  24 - 72 kilometr arasında dəyişir.

Bundan əlavə, məlum olub ki, Mars yalnız  1qat mantiyadan ibarətdir. Nüvənin radiusu isə  gözləniləndən daha böyük - təxminən 1830 kilometrdir.

Alimlər ümid edir ki, yeni məlumatlar bizə Marsın təkamül tarixini öyrənməyə imkan verəcək, eyni zamanda Yerin Günəş sistemindəki yerini daha yaxşı anlamağa kömək edəcək.