Elon Musk atdığı mesajla işçilərini şoka saldı

ABŞ-da elektrikli mühərrik və avtomobil istehsalçısı olan Tesla təqribən 3 min işçisinin işinə son qoyacaq.

Sfera.az xarici mediaya istinadən xəbər verir ki, bu barədə Tesla-nın qurucusu və icraçı direktoru Elon Musk işçilərinə göndərdiyi mesajında bildirib.

Avtomobillərinin hələ də bir çox insanlar üçün çox bahalı olduğunu bildirən Musk yeni və inkişafda olan texnologiya ilə istehsalı ucuzlaşdırmanın çətinliklərinə işarə edib. Şirkət sahibi işçi gücündə 7 faiz şəxslərin ixtisar ediləcəyini deyib.

Bundan başqa, Musk 2018-ci ilin 4-cü rübündə çox az sayda mənfəət əldə etdiyini və işçi sayını azaltmaqdan başqa çarələrinin qalmadığını qeyd edib.

Qeyd edək ki, istehsal xərclərini qarşılaya bilməyən Teslanın 45 mindən çox işçisi var. İşçi qüvvəsinin 7 faizinin ixtisar ediləcəyini açıqlayan şirkət təqribən 3 min işçisini işdən çıxardacaq.

Sfera.az