Zukerberq Avropa Parlamentində ifadə verəcək
Maraqlı
14:45 / 22.05.2018
3665
İngiltərənin "Cambridge Analytica” şirkətinin 87 milyon nəfər "Facebook” istifadəçisinin şəxsi məlumatlarını ələ keçirməsindən sonra ortaya çıxan qalmaqalla bağlı "Facebook” şirkətinin təsisiçisi Mark Zukerberq bu gün Avropa Parlamentində ifadə verəcək.
Sfera.az xəbər verir ki, Avropa İttifaqı Parlamentinin dəvətinə müsbət cavab verən Zukerberq siyasi qrupların nümayəndələri ilə yanaşı hüquqşünas və hüquq müdafiəçiləri qarşısına çıxacaq.
Görüşün bağlı qapılar ardında keçəcəyi bildirilmiş, ancaq Aİ parlamenti üzvləri bu qərara etiraz etmişdilər. Şikayətlərlə bağlı tədbir görən Aİ sədri Antonio Tajani Zukerberq ilə görüşərək iclasın ictimaiyyətə açıq şəkildə keçirilməsi ilə bağlı onu razı sala bildiyini deyib. Dinləmə internet vasitəsilə canlı yayımlana biləcək.
Rəsul
Sfera.az
