“Azercell” abunəçinin vəsaitini yedi

Sfera.az-a açıqlama verən E.Hüseynov bu yaxınlarda onlara "Azercell”lə bağlı yeni şikayətin daxil olduğunu deyib:

"Bakı şəhər sakini Abunəçi Emil İsmayılov "Azercell”dən şikayətçidir:

 

"Bizə ərizə ilə müraciət edən abunəçi bildirir ki, 29 mart tarixində internet paketinin vaxtının bitməsi ilə əlaqədar ona mesaj göndərilməyib, internetin yenidən aktiv olması ilə bağlı balansından vəsait çıxılıb. Balansındakı vəsait onun internet paketinə hesablanaraq çıxılıb. Balansında olan vəsaitin geri qaytarılmasını tələb etsə də, bu mümkün olmayıb. Şikayətçi bildirir ki, internet paketinin bitməsi ilə bağlı mesaj vaxtında gələrdisə, bir tədbir görərdi, bu qədər ziyana düşməzdi. Təəssüflər olsun ki, danışıq yolu ilə "Azercell”lə problemləri həll edə bilməmişik. Onlarla kommunikasiyaya keçib problemi həll etmək mümkünsüzdür. "Azercell”in özbaşınalığı davam edir”.

Sfera.az-a açıqlama verən şikayətçi isə bilbirib ki, "Azercell” artıq problemin onlar tərəfindən yarandığını etiraf edib:

""Azercell”in hüquq bölməsindən zəng edib şikayəti geri almağımı istəyirlər. Hələ ki, şikayəti geri götürmürəm. Hələlik, problem araşdırılır. Yəqin ki, yaxın günlərdə problem həllini tapacaq”.