Mərhum aktrisa son günlərini cəhənnəm şəraitində keçirdib
Məşhur Disney cizgi filmində Laylanı səsləndirən və "Üzük"də pis Samara rolunu oynayan amerikalı aktrisa Deyvi Çeyz ömrünün son aylarını Los-Ancelesin təcrid olunmuş Skid Rou məhəlləsinin küçələrində keçirib. Orada ehtiyacı olanlara yemək paylayan bir könüllüyə görə, ulduz sözün əsl mənasında onların gözləri qarşısında sönürdü.
Sfera.az bildirir ki, ərazidə zarafatla "Skid Rou meri" kimi tanınan Kevin Call (Kol) "New York Post" qəzetinə keçmiş "Disney şahzadəsi" mərhum Deyvi Çeyzin həyatının son ayları və günləri haqqında danışıb. O, illərdir evsizlərə kömək edir və Çeyzini yaxşı xatırladığını, mütəmadi olaraq isti yemək üçün yanına getdiyini deyir.
Kol ekrandakı aktrisa ilə sonuncu dəfə gördüyü qadın arasındakı ziddiyyətin diqqət çəkdiyini bildirir. O deyir ki, asılılıq hətta bir vaxtlar şöhrət qazanmış insanlar üçün də istisna təşkil etmir; bu xəstəlik ulduzlara və özünü ən aşağı səviyyədə tapan adi insanlara eyni dərəcədə təsir edir.
"Hər dəfə gördüyüm zaman günü-gündən arıqlayırdı, müalicə olunmayan bir xəstəliyi və köməyə ehtiyacı olduğunu hiss edirdim. Xəstəlik onun həyatına son qoymazdan əvvəl vaxtında kömək ala bilmədi"-deyə Kol bildirir.
Çeyz xəstəxanada vəfat edib. Ölüm səbəbi isə bakterial meningit və qan zəhərlənməsindən qaynaqlanan ağırlaşmalar olub.
Kol qeyd edir ki, hər yeni görüşdə aktrisa arıq görünürdü və bu, həyəcan təbili idi: xəstəlik irəliləyirdi və kömək vaxtında gəlməmişdi.
Bir neçə ay əvvəl internetdə arıqlamış Çeyzin çadırın döşəməsində uzandığını göstərən bir video yayılıb. Aktrisanın dostları da onun ölümü zamanı son dərəcə arıqladığını təsdiqləyiblər.
Ulduzun meneceri Con Rayan və ögey bacısı son anda vəziyyəti xilas etməyə çalışıblar. Onlar Kosta Rikada bir tanışına məxsus reabilitasiya mərkəzində yer ayırıb və aktrisanı Los-Ancelesdə oraya yerləşdiriblər.
Qeyd edək ki, Deyvi Çeyz narkotik asılılığından əziyyət çəkirdi.
Həmin vaxt mərhum aktrisanın adı ətrafında qalmaqal yaranıb. Belə ki, sevgilisi onun adına “GoFundMe” platformasında ianə toplama kampanyasına başlayıb, lakin aktrisanın ailəsi səhifənin saxta olduğunu iddia edib və aktrisanın sevgilisinin başqasının bədbəxtliyindən mənfəət əldə etməyə çalışdığını iddia ediblər.
Xatırladaq ki, dəhşətli Samara Morqanı canlandırdığı "Lylo & Stitch" və "The Ring" filmlərindəki rollardan başqa, Çeyz sonuncu dəfə 2016-cı ildə ekranda "Amerikan romantikası" trillerində və "Cek evə qayıdır" psixoloji qorxu filmində çəkilib
Kolun sözlərinə görə, baş verənlərin dəhşətinə baxmayaraq, Çeyz ailəsi indi rahat nəfəs ala bilir: artıq illərdir görünməz düşmənlə mübarizə aparan sevdiklərinin həyatı və sağlamlığı üçün mübarizə aparmaq məcburiyyətində deyillər.
