Sonsuz dostluq bir "Kənd"ə çevrildi

Texasda uzun illər ayrılmaz olan dörd yaxın dost təqaüd xəyallarını gerçəkləşdirmək üçün unikal bir layihə həyata keçiriblər. Llano çayının sahilində öz kiçik şəhərlərini quran dostlar, cəmi 40.000 dollara tikdikləri ekoloji cəhətdən təmiz evlərdə birlikdə qocalmağın düsturunu tapıblar. 

 

Sfera.az bildirir ki, Texas ştatının Ostin şəhəri yaxınlığındakı Llano çayının dinc fonunda yüksələn "Llano Çıxış Strategiyası" dostluğun maddi təcəssümü kimi diqqət çəkir.

 

İyirmi ildən çoxdur ki, ayrılmaz qalan dörd cütlük ənənəvi təqaüd həyatı əvəzinə təbiətlə birlikdə harmoniyada yaşamağı seçiblər.

 

Maliyyə resurslarını bir araya gətirən qrup, memar Matt Garcianın vizyonuna əsasən, dörd kiçik, davamlı və ucuz evdən ibarət öz yaşayış sahələrini tikiblər.

 

Hər biri təxminən 37 kvadrat metr olan bu müasir kotteclər yalnız sığınacaq ehtiyacını ödəməklə yanaşı, həm də bölgənin sərt iqlim şəraitinə qarşı çıxır.

 

Yansıdıcı metal xarici örtüklər Texasın qızmar yay istisindən qoruyur, xüsusi izolyasiya edilmiş pəncərələr isə interyeri sərin saxlayır.

 

Evlərin daxili dizaynında istifadə olunan kontrplak materialı həm geniş və isti bir atmosfer təmin edir, həm də xərcləri azaldır.

 

Təbiətin qorunmasına üstünlük verən bu kiçik kənddə, maili damlar sayəsində ildə təxminən 19.000 litr yağış suyu toplana bilər. Bu sistem yerli bitki örtüyünü canlı saxlayaraq bölgədəki quraqlıqla mübarizə aparmağa kömək edir.

 

Yalnız evlərdən ibarət olmayan bu qəsəbədə qrupun birlikdə vaxt keçirə biləcəyi 140 kvadratmetrlik bina da var. Bu binada böyük mətbəx, yemək sahəsi və qonaqlar üçün ayrılmış yataq otaqları var.

 

Günlərini səhrada, maral və quş səsləri arasında keçirən dostlar, bu layihə vasitəsilə müasir dünyanın izdihamından qaçmağın və sevdikləri ilə birlikdə qocalmağın ən qənaətli yolunu kəşf ediblər.

 

Artıq boş vaxtlarını burada keçirən səkkiz dostdan ibarət qrup gələcəkdə bu dinc şəhərdə daimi məskunlaşmağı planlaşdırır.

 

Aynil