Bu kəndə yeganə kanat yolu ilə getmək mümkündür
“Heydi” cizgi filmini tanıyırsınızmı? Əminik ki, bu cizgi filmini izləyərkən Heydinin məsumluğuna, eləcə də İsveçrənin möhtəşəm təbiətinə heyran qalmısınız. Bu cizgi filmində gördüyünüz şey sadəcə bir xəyal məhsulu deyil; realdır!
Sfera.az bildirir ki, İsveçrə Alp dağlarında Gimmelvaldda 130 nəfər yaşayır və ora getməyin yeganə yolu kanat yoludur.
"Heidi" cizgi filmindəki unikal mənzərələr, əlbəttə ki, real mənzərələrlə müqayisədə solğun görünür. Fotoşəkildə gördüyünüz bu kiçik yaşayış məntəqəsi Gimmelvalddır. Nağıldan çıxmış kimi görünən Gimmelvaldda heç bir motorlu nəqliyyat vasitəsi yoxdur. Beləliklə, yalnız küçələrdə gəzən insanları və bəzən şirin keçiləri görə bilərsiniz.
Pəncərələrindən axan çiçəklərlə bəzədilmiş taxta evlər, sakit və dinc küçələr... Burada həqiqətən Alp həyatını yaşaya bilərsiniz. Gimmelvald Berndən təxminən 60 kilometr məsafədədir, sanki Lauterbrunnen Vadisinin sonunda gizlənmiş kimi görünür. Burada böyük muzeylər və ya mağaza şəbəkələri yoxdur; hər şey təbii, sadə və qonaqpərvərdir. Kəndlilər tərəfindən evlərinin qarşısında kiçik köşklər də qurulub. Pendir, mürəbbə və ya kiçik əl işi suvenirlər ala bilərsiniz. Maraqlısı odur ki, köşklərdə heç kim olmur, sadəcə pulunuzu qoyub gedirsiniz.
Bəs motorlu nəqliyyat vasitələrinə icazə verilmirsə, bu kəndə necə gedilir?
Gimmelvalda motorlu nəqliyyat vasitəsi ilə gedə bilməzsiniz. Buna görə də, kəndə getmək istəyənlər Stechelbergdəki kanat yolu xəttindən istifadə etməlidirlər. İnterlakendən kanat yolu stansiyasına maşınla və ya avtobusla çatmaq təxminən 30 dəqiqə çəkir. Sonra qısa beş dəqiqəlik kanat yolu ilə birdən dağ kəndinin ortasında olursunuz.
Qış gələndə Gimmelvald tamamilə fərqli bir sima ortaya qoyur. İsveçrənin məşhur xizək zonalarına çox yaxın yerləşən bura xizək həvəskarları üçün əla dayanacaqdır. Stechelbergdən Mürrenə və daha da yuxarıdakı Schilthorn dağına qədər uzanan kanat yolu xətti, bütün səviyyəli xizəkçilər üçün uyğun yamaclara asanlıqla çıxış təmin edir. Bu, onu qış idman növləri üçün məşhur bir məkana çevirib. Bəziləri hətta yalnız xizək sürmək üçün buranı ziyarət edirlər, çünki həm mənzərə, həm də yamaclar həqiqətən valeh edicidir.
Aynil
