Yaxın rəfiqələr pişiyə görə məhkəməlik oldu

ABŞ-ın Filadelfiya şəhərində qeyri-adi bir məhkəmə işi başa çatıb. İki keçmiş rəfiqə Qari adlı pişik üzərində bir ildən çox məhkəməlik olub.

Sfera.az bildirir ki, məhkəmə prosesi qadınlara təxminən 25.000 dollara başa gəlib və pişiyin əsl sahibinin xeyrinə başa çatıb.

Qari 2018-ci ildə Cessika Yanqın ailəsində anadan olub. Dörd il sonra o, pişiyi özü ilə apararaq Nikol DeNardo ilə birlikdə yaşamağa başlayıb. Qadınlar sosial mediada otaq yoldaşı axtarış qrupu vasitəsilə tanış olaraq tez bir zamanda yaxın rəfiqəyə çevriliblər.

Daha sonra Yanq əsaslı təmirə ehtiyacı olan bir ev alıb. Demək olar ki, bütün boş vaxtını layihə üzərində işləməyə sərf edib, ona görə də DeNardodan Qariyə baxmasını istəyib. DeNardo razılaşıb və pişiyə daimi o baxıb.

Ayrılmaq vaxtı gələndə DeNardo gözlənilmədən pişiyi qaytarmaqdan imtina edib. Mübahisə o qədər böyüyüb ki, 2024-cü ilin dekabrında iş məhkəməyə gedib.

Yanq keçmiş rəfiqəsini Qarini əvvəldən "götürmək" istəməkdə və sənədlərdə sahibinin adını icazəsiz dəyişdirməkdə və mikroçipi özünə yönləndirməkdə ittiham edib. Denardo isə dəyişikliklərin baytar tərəfindən edildiyini və mikroçipi yalnız ev heyvanının təhlükəsizliyi üçün dəyişdirdiyini iddia edərək etiraz edib. Məhkəmə prosesi zamanı Denardo Yanqın yaxşı sahib ola bilmədiyini, onun çox məşğul və kifayət qədər məsuliyyətsiz olduğunu iddia edib. Lakin məhkəmə onun arqumentlərini rədd edərək pişiyin əvvəlki sahibinə qaytarılmasını əmr edib.

İtkiyə baxmayaraq, Denardo ev heyvanı üçün yalnız ən yaxşısını arzuladığını vurğulayıb.

"Ümid edirəm ki, o, yaxşıdır, ehtiyac duyduğu hər şeyə sahibdir və yaxşı bir həyat yaşayır. Əgər o, xoşbəxtdirsə, deməli mən də xoşbəxtəm"- deyə o qeyd edib.