63 yaş fərqi ilə tarixə düşdülər: Sevgi sərhəd tanımadı
Ginnesin Rekordlar Kitabında yer alan Ceynveys cütlüyünün qeyri-adi sevgi hekayəsi yenidən gündəmə gəlib. Bütün dünya 63 yaş fərqi olan bu cütlükdən danışır.
Məlumata görə, Con və Gertruda Ceynveys ən böyük yaş fərqinə sahib evli cütlük kimi tanınıblar. Onlar evləndikləri zaman Conun 81, Gertrudanın isə cəmi 18 yaşı olub. Bu hekayə insanların yaş fərqindən asılı olmayaraq bir-birilərinə dərin bağlılıq göstərə bildiklərinin nümunəsi kimi qiymətləndirilir.
1845-ci ildə doğulan Con ABŞ Vətəndaş Müharibəsinin veteranı idi. Gertruda isə Ceynveys ailəsini uşaq yaşlarından tanıyırdı. Onların ailələri yaxın dostluq münasibətlərinə malik olub.
Gertruda illər sonra verdiyi müsahibədə ilk görüşlərini belə xatırlayıb:
"Anam dedi ki, böyüyənə qədər üç il görüşməliyik. Biz isə cəmi iki dəfə görüşdük. Həyətdə hörmə stullarda oturub saatlarla söhbət edirdik”.
Cütlük 9 iyun 1927-ci ildə sadə bir toy mərasimi ilə evlənib. Toy düz torpaq yolda, ailə və qonşuların iştirakı ilə keçirilib. Sonradan onlar Bleyn şəhərində taxta bir evdə yaşayaraq ailə həyatı qurublar.
Con Ceynvey 1937-ci ildə 91 yaşında vəfat edib. Gertruda 27 yaşında dul qalıb. O, 2003-cü ildə dünyasını dəyişənə qədər ərinin müharibədə istifadə etdiyi “Con Yanvar” təxəllüsü ilə təqaüd alıb.
Gertruda həyat yoldaşı haqqında deyirdi:
"O öldükdən sonra sanki mənim bir parçam da onunla birlikdə torpağa girdi”.
Gertruda sonradan bir dəfə də evlənsə də, illər sonra boşanaraq yenidən Ceynveys soyadını daşımağa başlayıb – onun üçün əsl sevgini ifadə edən soyad məhz o idi.
Aynil
