Hər kəs ünsiyyət qurmaqdan həzz almır. Bəzi bürclər var ki, düşüncələri ilə tək qaldıqlarında daha məhsuldar, daha sakit olurlar. Onlar üçün tək qalmaq qaçış deyil, enerjilərini bərpa etməyin yoludur.

Sfera.az "Onedio.com"-a istinadən səssizliyi sevən, izdiham içində belə öz daxili dünyasına qərq olan 4 bürcü təqdim edir:

1. Oğlaq bürcü

Oğlaq bürcü üçün tək qalmaq bir təcrid deyil, intizam formasıdır. Sakit mühitdə düşünməyi, plan qurmağı və fokuslanmağı sevirlər. İzdiham Oğlağı yorur, çünki daim bir nəzarət hissinə ehtiyac duyur. Tək qaldıqda isə özünü ən məhsuldar halda tapır.

Çoxları Oğlağın məsafəli olduğunu düşünür, amma əslində o yalnız enerjisini qorumağa çalışır. Sosiallaşa bilər, amma buna məcbur edildikdə dərhal öz “qabığına” çəkilir. Tək qalmaq onun üçün lüks deyil, ehtiyacdır.

2. Dolça bürcü

Dolçalar hər nə qədər dostcanlı görünsələr də, tək qalmağı sevirlər. Çünki zehinləri daim işləyir, fikirlər, planlar və düşüncələr arasında dolaşır. İzdiham onların yaradıcı enerjilərini dağıdır.

Dolça üçün tək qalmaq azad düşünməyin ən təbii halıdır. Heç kimin təsirinə məruz qalmadan öz dünyasında yaşayıb-yaratmaq istəyir. Buna görə bəzən soyuq və ya insanlardan uzaq biri kimi görünə bilər, amma əslində o yalnızlığında sükunəti tapır.

3. Balıq bürcü

Balıq tək qalanda xəyali dünyasına gedir və o dünyadan asanlıqla çıxmaq istəmir. Duyğularını anlamlandırmaq, yaşadıqlarını həzm etmək üçün zamana və sakitliyə ehtiyacı var. İzdiham içində belə daxili təkliyini qoruyur.

Onun üçün tək qalmaq qaçış deyil, balans nöqtəsidir. Öz duyğularını dinləmədən sükunət tapa bilmir. Balıq bürcləri adətən tək olduqda daha məhsuldar və yaradıcı olurlar.

4. Qız bürcü

Qız bürcü isə izdiham içində belə öz sakit guşəsini tapır. Səs-küydən, qarışıqlıqdan və nəzarətsiz mühitlərdən xoşu gəlmir. Tək olduqda həm zehnini, həm də həyatını toplamaq fürsəti tapır. Buna görə çox zaman “məsafəli” görünür, amma əslində öz içində dərin bir dünyası var.

Qız bürcü üçün tək qalmaq düşünmək və yenidən balans tapmaq deməkdir. İnsanlarla vaxt keçirməyi sevir, amma çox izdihamda boğulur. Sakitlik onun üçün nəfəs almaq kimidir: özünü eşitmək, bərpa olmaq və yenidən başlamaq üçün ideal mühitdir./Bizim.Media

Yalnızlığı sevən DÖRD BÜRC – Onlar niyə insanlardan qaçır?