Apple süni intellektdə inqilab edir: Yeni model 128 dəfə sürətli yazır
Apple və Ohio State University alimləri süni intellekt dünyasında böyük irəliləyişə imza atıblar. Onlar FS-DFM adlı yeni bir model təqdim ediblər ki, bu da mövcud analoqlardan 128 dəfə daha sürətli mətn yaza bilir.
Sfera.az bildirir ki, hazırda ChatGPT kimi sistemlər mətni addım-addım, yəni bir sözdən sonra digəri gələcək şəkildə yaradır. Apple-ın yeni modeli isə bunu fərqli edir – o, bir neçə sözü eyni anda formalaşdırır və nəticəni tədricən təkmilləşdirir.
Araşdırmaya görə, FS-DFM modeli cəmi səkkiz mərhələdə tam uzunluqlu və keyfiyyətli mətn yarada bilir. Halbuki əvvəlki diffuziya modellərinə bunun üçün minlərlə addım lazım olurdu.
Alimlər bildirirlər ki, FS-DFM yalnız sürətli deyil, həm də daha dəqiq və sabit nəticələr verir. Model mətni nə çox təkrarlayır, nə də təsadüfi şəkildə yazır – balansı qoruyur.
Ekspertlər hesab edirlər ki, bu yenilik süni intellektin gələcəkdə daha çevik və insana bənzər yazı qabiliyyətinə sahib olmasına yol açacaq.
Gülər
