Ən çox izlənən sosial şəbəkələr: Qlobal trendlər və istifadəçi davranışları
Son onillikdə sosial şəbəkələr insanların həyatında əsas kommunikasiya və informasiya vasitəsinə çevrilib. Hər gün milyardlarla insan müxtəlif sosial platformalarda vaxt keçirir, xəbərləri izləyir, dostları ilə ünsiyyət qurur və biznes imkanlarından istifadə edir.
Sfera.az-ın araşdırması göstərir ki, insanlar ən çox 5 sosial şəbəkədən istifadə edir.
Bunlar aşağıdakılardır:
1. "Facebook"
"Facebook" uzun illərdir ki, qlobal sosial media lideri olaraq qalır. 2025-ci ilin məlumatlarına görə, platformanın aktiv istifadəçi sayı təxminən 3 milyard nəfərə çatır. "Facebook"un əsas üstünlüyü onun çoxfunksiyalılığıdır. İstifadəçilər burada dostları ilə ünsiyyət qura, qruplara qoşula, biznes səhifələrini izləyə və canlı yayımlar edə bilirlər.
2. "YouTube"
"YouTube" yalnız video platforması deyil, həm də sosial şəbəkə kimi fəaliyyət göstərir. Platforma 2,6 milyard aktiv istifadəçiyə sahibdir. İstifadəçilər burada müxtəlif janrlarda videolar izləyir, şərh yazır və yaradıcılarla interaktiv ünsiyyət qururlar. "YouTube"un populyarlığını artıran əsas amillərdən biri də “shorts” formatı və canlı yayımlardır.
3. "Instagram"
"Instagram" vizual məzmun əsasında qurulmuş platformadır və foto-video paylaşımı üçün geniş istifadə olunur. 2025-ci il üzrə "Instagram"un aktiv istifadəçi sayı təxminən 2,3 milyard nəfərdir. Xüsusilə gənclər və yaradıcılıq sahəsində çalışan şəxslər "Instagram"ı izləmə və öz məzmununu paylaşma üçün seçir.
4. "TikTok"
"TikTok" qısa video formatı ilə qısa müddətdə qlobal populyarlıq qazanıb. Platformanın aktiv istifadəçi sayı 1,5 milyard nəfər civarındadır. "TikTok"un əsas xüsusiyyəti, alqoritmlərinin istifadəçilərin maraqlarına uyğun kontent göstərməsidir. Bu, onun sürətlə viral olmasına və izlənmə sayının artmasına səbəb olur.
5. "X" (köhnə "Twitter")
"X" qısa yazılı paylaşım və xəbərlərin sürətli yayılması üçün geniş istifadə olunur. Qlobal miqyasda 450 milyon aktiv istifadəçiyə sahibdir. "Twitter"in gücü real vaxt məlumat və hadisələrə dərhal çıxış imkanıdır, bu da jurnalistlər və siyasətçilər üçün vacib platformaya çevirir.
Sosial şəbəkələrin populyarlığı ölkədən ölkəyə fərqlənir. Gənclər daha çox "TikTok" və "Instagram"da vaxt keçirir, orta yaşlı istifadəçilər isə "Facebook" və "YouTube"u üstün tutur. Sosial şəbəkələr yalnız şəxsi ünsiyyət üçün deyil, həm də biznes, marketinq və informasiya yayımı üçün vacib vasitəyə çevrilib.
Niyaz Hacıyev
Sfera.az
