İllər sonra Brüs Linin ölüm səbəbi açıldı

Sənətçi, aktyor, rejissor və döyüş sənəti filosofu Brüs Linin ölüm səbəbi illər sonra məlum olub. Bəs, populyar mədəniyyətin ən böyük simvollarından biri olan Li niyə cəmi 32 yaşında vəfat edib? 

 

Sfera.az mövzu ilə bağlı maraqlı yazı təqdim edir. 

 

Hərəkətlərini tez-tez ekranda izləməkdə çətinlik çəkdiyimiz Brüs Li 20 iyul 1973-cü ildə cəmi 32 yaşında vəfat edib.

 

Linin ölümü illərdir mübahisə mövzusu olub. Rəsmi məlumatda o, 1973-cü il iyulun 20-də baş ağrısı üçün qəbul etdiyi ağrıkəsicinin yan təsiri nəticəsində beyin ödəmi (beynində maye yığılması) nəticəsində vəfat edib.

 

Bununla belə, illər ərzində bir çox fərqli fərziyyələr irəli sürülüb:

 

Dərman allergiyası,

Həddindən artıq istilik səbəbiylə dehidrasiya,

Zəhərlənmə nəzəriyyələri,

və ya sirli bir sui-qəsd.

 

Bununla belə, mütəxəssislər Linin ölümünün sirrini açıblar.

 

Həkimlər Brüs Linin ölümünə səbəb olan beyin ödəminin sirrini həll etdiklərinə inanırlar.

 

“Clinical Kidney Journal”da dərc edilən məqalədə Brüs Linin ölümünün hiponatremi (həddindən artıq su istehlakı səbəbindən orqanizmdə natrium səviyyəsinin aşağı olması) səbəb ola biləcəyi irəli sürülüb.

 

Hiponatremi orqanizmdə natrium səviyyəsinin təhlükəli dərəcədə aşağı düşdüyü bir vəziyyətdir. Normalda, natrium hüceyrələrimizdə maye balansını qoruyur. Əgər çox su içsək, qanda natrium konsentrasiyası azalaraq hüceyrələrin şişməsinə səbəb olur. Beyin hüceyrələri şişdikdə beyin ödəmi baş verir ki, bu da baş ağrısı, ürəkbulanma, qıcolma və hətta qəfil ölümlə nəticələnə bilər.

 

Buna görə də ekspertlər Linin "sudan öldüyünü", yəni ölümün səbəbinin əslində həddindən artıq su istehlakı səbəbindən hiponatremi ola biləcəyini irəli sürürlər.

 

Linin:

 

Həddindən artıq maye qəbulu

 

Eyni dövrdə ciddi bir pəhriz saxlaması

 

Böyrəklərdən artıq suyun xaric edilməsini çətinləşdirən dərmanların istifadəsi

 

hiponatremi riskini artırmış ola bilər. Maraqlı olan isə, bu nəzəriyyənin tez-tez Linin “Su kimi ol, dostum” sitatı ilə ironik şəkildə əlaqələndirilməsidir.

 

“Clinical Kidney Journal”da dərc olunan məqalədə tədqiqatçılar:

 

“Biz hesab edirik ki, Brüs Linin ölümünün səbəbi böyrəklərin artıq suyu xaric edə bilməməsidir” - deyə öz qənaətlərini paylaşıblar.

 

Brüs Li "Su kimi ol, dostum" sitatı ilə məşhurlaşsa da, təəssüf ki, onun ölümünə həddindən artıq su səbəb oldu.

 

Xanım