Uzunömürlülüyün sirri açıqlandı

Mütəxəssislər bildirirlər ki, sağlam həyat tərzinin əsas şərtlərindən biri vaxtında yuxuya getməkdir. 

 

Sfera.az-ın araşdırmasına görə, optimal yatmaq vaxtı saat 22:00–23:00 arasıdır.

Bu saatlarda orqanizmdə melatonin hormonu ifraz olunur ki, bu da immuniteti gücləndirir, qocalmanı ləngidir və orqanizmin bioloji ritmini tənzimləyir.

Alimlərin sözlərinə görə, gecəyarısından sonra yatmaq ürək-damar xəstəlikləri riskini artırır, maddələr mübadiləsini zəiflədir, piylənmə və şəkərli diabetə səbəb ola bilər.

Mütəxəssislər isə qeyd edirlər ki, yetkinlərin sağlam qalması üçün gündə ən azı 7–8 saat, uşaqların isə 9–11 saat yuxuya ehtiyacı var.

Araşdırmalar göstərir ki, uzunömürlülüyü ilə tanınan bölgələrdə insanların əksəriyyəti hər gün eyni saatda yuxuya gedir və təbii ritmlərə uyğun həyat sürür.
Nəticə olaraq, sağlam və uzunömürlü olmaq üçün mütəxəssislər hər kəsə gecə 22:00–23:00 arası yatmağı və səhər 06:00–07:00 arası oyanmağı tövsiyə edirlər.

 

Niyaz Hacıyev
Sfera.az