1 milyona aldığı qalanı indi 6 milyona satır - FOTOLAR
Keçmiş proqram təminatı istehsalçısı Mayk Konnor Pembrokeshire (Uels) sahillərindəki Torn adasında 19-cu əsrə aid Napoleon qalasının təmirinə beş il sərf edib.
Sfera.az bildirir ki, bir vaxtlar tərk edilmiş qala indi əsl “ziyafət cənnətinə” çevrilib – qala 3 milyon funta (6 903 180 AZN) satılır.
Mayk qalanı 2017-ci ildə cəmi 555.000 funta (1 277 088 AZN) alıb. O vaxt burada nə işıq, nə də su olub. Bina 17 il idi ki, boş imiş. Qalanın yaşayış üçün yararlı vəziyyətə gətirilməsi üçün bir il lazım olub. Yenidənqurma zamanı hətta tualetlərin quraşdırılması kimi əsas işlərə də 200.000 funt-sterlinq (460 212 AZN) xərclənib. Təxminən beş il yenidənqurma zamanı adada altı nəfərdən ibarət komanda yaşayıb. İşçilər dənizdə yuyunaraq telefonlarını generatordan doldurublar. Tikinti materialları helikopterlə çatdırılıb ki, bu da xərcləri xeyli artırıb.
İndi qalada 40 çarpayı, dörd vanna otağı, öz gecə klubu və hətta helikopter meydançası var. Məkan 800-ə qədər qonaq qəbul edə bilər.
Qala 1850-ci illərdə Milford Haven limanını qorumaq üçün tikilib. O, 1947-ci ildə mehmanxana və tədbirlərin keçirildiyi məkana çevrilib və 1999-cu ildə Von Essen otel qrupu tərəfindən satın alınıb. O vaxtdan bəri yararsız vəziyyətə düşüb.
Mayk layihənin "inanılmaz təcrübə" olduğunu bildirib. Ada hətta onun 50 illik yubileyini qeyd etmək üçün bir festivala ev sahibliyi edib.
Mayk, indi geri qalanı satmağı planlaşdırır, ümid edir ki, yeni sahibi onu turistik məkan və böyük şənliklər üçün məkan kimi istifadə edə bilər.
"Əgər o gəlir əldə etsə, iş yerləri yaratsa və özünü təmin etsəydi, bu, Uels üçün əla nəticə olardı"-deyə Mayk bildirib.
Aynil
