Çirkli suda açarı necə tapmaq olar? - Qeyri-adi üsul - Video
Cənubi Koreyada qeyri-adi hadisə baş verib. Yerli sakin açarını çirkli gölməçəyə salıb və uzun müddət onu tapa bilməyib. Açar yalnız gözlənilməz bir metodla, adi su ilə dolu plastik çanta ilə tapılıb. Bununla bağlı olan video isə internetdə viral olub.
Sfera.az xəbər verir ki, hadisə zamanı naməlum bir şəxs qəhrəmana kömək etmək üçün maraqlı bir üsuldan istifadə edib.
O, şəffaf plastik torbaya su dolduraraq gölməçənin dibini araşdırmağa başlayıb.
Bu ideya sadədir: su ilə dolu çantanı palçıq və bulanıq suyun üzərinə sıxmaqla dibdəki obyektləri daha aydın görmək mümkündür.
Videoda Cənubi Koreya sakini gölməçənin kənarında çöməlib nəsə axtarır. Bir müddət sonra açarını itirdiyini və tapa bilmədiyini bildirir. Naməlum şəxs isə su dolu çanta ilə ard-arda bir neçə gölməçəni yoxlayır. Nəhayət, üçüncü gölməçənin dibində itirilmiş açar görünür.
Videonun son kadrlarında həmin şəxs tapdığı açarı su torbasının arasından çıxararaq sahibinə təqdim edir. Bu sadə, lakin effektiv üsul sosial şəbəkələrdə böyük maraq doğurub.
Xanım
