Adlar bütün həyatımıza təsir göstərir - TƏDQİQAT
Xarici elmi mənbələrdə aparılan araşdırmalar insanların adlarının onların peşə seçimlərindən sosial münasibətlərinə, hətta psixoloji rifahına qədər bir çox sahəyə təsir etdiyini ortaya qoyur.
Sfera.az xəbər verir ki, psixoloqlar “nominativ determinism” adlanan effekti vurğulayıblar. Bu nəzəriyyəyə görə, insanlar bəzən şüursuz olaraq adlarına bənzər peşələrə və ya yerlərə meyl edirlər.
Tədqiqatlar göstərir ki, adların tələffüz asanlığı da insanlara olan münasibəti formalaşdırır. Daha asan oxunan ad sahibləri sosial və peşə mühitində daha müsbət qəbul olunur. Əksinə, nadir və ya çətin tələffüz olunan adlar bəzən sosial maneələr yarada bilir.
Adların psixoloji rifah üzərində təsiri də diqqət çəkir. Məsələn, transgender gənclərin seçdikləri adla tanındıqları mühitdə depressiya və intihar riski əhəmiyyətli dərəcədə azalır.
Bununla yanaşı, bəzi alimlər qeyd edir ki, adın uğur və ya uğursuzluğa təsiri çox zaman birbaşa deyil, daha çox sosial sinif, ailə mühiti və mədəni kontekstə bağlı olur.
Beləliklə, ad yalnız bir söz deyil, o, həyatımızın istiqamətini müəyyənləşdirən sosial və psixoloji amillərdən biri ola bilər.
Fidan Hacızadə
Sfera.az
