“Duman” qrupunun solistinin sevgilisi üçün yazdığı mahnının faciəvi hekayəsi - FOTO
Rok dünyasının üsyankar qrupu “Duman”ın solisti Kaan Tangöze güclü səsi, səhnə varlığı və təlatümlü şəxsi həyatı ilə hər zaman gündəm olub. Onun bir çox hit mahnılarının arxasında real həyatdan ilhamlanan dərin hekayələr dayanır. "Bal" bu mahnılardan sadəcə biridir...
Bununla belə, "Bal"ın arxasında gözəl bir gənc qadının yarımçıq qalmış hekayəsi dayanır.
Məlum olur ki, 1995-ci il Türkiyə gözəli Ahu Paşakay üçün yazılmış bu mahnı Tangözenin qəlbinə dərin hopmuş yas mahnısına çevrilib. Ahu sevgilisinin onun üçün oxuduğunu eşitməmiş dünyasını dəyişib.
Gəlin o ürəkağrıdan hekayəyə birlikdə baxaq...
Sfera.az bu dəfə çox kədərli sevgi hekayəsi haqqında yazı təqdim edir.
“Duman” deyiləndə yada üsyan, azadlıq, gənclik adına çevrilmiş o mahnıları gətirir.
Kaan Tangözedən eşitdiyimiz hər mahnı həyata, üsyana, sevgiyə toxunur. 90-cı illərin sonlarında yaranan “Duman” qrupu 1999-cu ildə "Eski Köprünün Altında" albomu ilə musiqi səhnəsinə çıxıb.
Tangözenin fərqli vokalı, səhnə performansı və sözlərinin dərinliyi qrupu türk rok səhnəsində öncül edib.
Kaan Tangözenin mahnıları qədər şəxsi həyatı daim gündəm olub.
Tangözenin model Seçkin Piriler ilə uzun illər ayrılıb-barışdıqları münasibəti olub. 2010-cu ildə evlənən cütlüyün Hakan və Volkan adlı iki övladı dünyaya gəlib. Lakin onların evliliyi 2016-cı ildə qarışıqlıqla başa çatıb.
2018-ci ildə Kıvılcım Uralla ailə həyatı qurub.
Kıvılcım Ural 2019-cu ildə qız uşağı da dünyaya gətirib. Məşhur cütlük qızlarına İlayda adını verib.
Amma ürəyində silinməz iz qoyan münasibət 1995-ci ildə “Miss Turkey” gözəllik yarışmacılarından biri olan Ahu Paşakayla yaşadığı böyük sevgi idi.
Ahu Paşakay "Miss International Turkey" gözəllik yarışmasında Türkiyəni təmsil edərək məşhur olub. 1995-ci ilin “Miss Türkiyə”si kimi şöhrət qazanan Ahu Dumanın "Eski Köprünün Altında" albomunda yer alan məşhur "Köprüaltı" mahnısının klipinə də çəkilib. Ahu hər konsertində qrupa və sevgilisinə dəstək olub.
2002-ci ildə çıxan "Belki Alışman Lazım" albomundan "Bal" mahnısı Ahuya həsr olunub.
O, bu mahnını "Balım" kimi sevdiyi Ahu üçün yazmışdı və bu mahnı Tangözə çox xarakterik idi. Ancaq hər hekayə xoşbəxt sonluqla bitmir...
Albomun təqdim olunduğu gecə cütlük arasında mübahisə yarandığı iddia edilir. Ahu mübahisədən sonra konserti tərk edib. Kaan Tangöze həmin vaxt səhnədə idi; mahnılarını oxuduqca gözləri “Bal”ı dönə-dönə oxuyaraq Ahunu axtardı. Amma təəssüf ki, Ahu orada deyildi.
Həmin gecə Ahu özünü otağında asıb.
Gənc qadının ölüm xəbəri Kaana konsertdən sonra çatıb. Tangöze bu ağrılı itkidən sonra praktik olaraq dünyadan təcrid olunub; həftələrlə evindən çıxmayıb, heç kimlə görüşməyib.
Uzun illər “Bal” mahnısını səhnədə ifa etmək istəməyib.
Çünki hər notda Ahunun xatirəsi vardı. Amma illər keçdikcə həyat davam edirdi. Kaan Tangöze keçmişin xəyalı ilə qarşılaşmağa qərar verdi. Bilənlər bilir ki, bir neçə ay əvvəl konsertdə tamaşaçıların təkidli tələbi ilə Kaan Tangöze əllərini göyə qaldıraraq Ahuya hədiyyə olaraq “Bal” oxuyub. Həmin gecə o mahnını oxuyarkən, elə bil ki, dünyasını dəyişən sevgilisini son dəfə yola salırdı.
Xanım
