Franja Partizan Xəstəxanası Sloveniyanın qərbindəki Pasica vadisində gizlənmiş İkinci Dünya Müharibəsi dövründə gizli bir xəstəxana idi.

Sfera.az bu dəfə sizə İkinci Dünya Müharibəsinə aid daha bir maraqlı yazı təqdim edir.

1943-1945-ci illər arasında Sloven müqavimət hərəkatı tərəfindən tikilmiş Franya Partizan Xəstəxanası 13 kamuflyajlı binasında eyni anda 120 xəstəni qəbul edə bilirdi.

Xəstəxanaya yalnız meşələrdəki gizli körpülər vasitəsilə daxil olmaq mümkün idi.

Xəstəxanaya əsas çıxış vadidən axan çay boyunca gedən yol idi. Xəstəxananın girişi meşədə gizlənmişdi.

Düşmən əsgərləri iki dəfə xəstəxananın yaxın ətrafına yaxınlaşsalar da, heç vaxt ərazini tapa bilməyiblər.

Düşmən qoşunları əraziyə daxil olduqdan sonra xəstəxanaya aparan portativ körpülər geri çəkilib və ərazi tamamilə boş qalıb.

Xəstəxana anti-nasist müqavimət döyüşçülərinin müalicəsi üçün istifadə olunurdu.

Orada olan xəstələrin əksəriyyəti anti-nasist müqavimət döyüşçüləri idi. Əgər adi xəstəxanada müalicə olunsaydılar, onların nasistlər tərəfindən həbs olunma və ya öldürülmə ehtimalı yüksək olardı.

Yaralılar sağaldıqdan sonra xəstəxananın yerini aşkara çıxarmamaq üçün gecə gözləri bağlanaraq evə buraxılıblar.

Xəstəxananın sirrinin saxlanması üçün geniş tədbirlər həyata keçirilib. Yerli sakinlər yaralıların daşınmasında köməklik göstərərək, öz təhlükəsizlikləri hesabına xəstəxananın sirrini saxlayaraq fasiləsiz qida, dərman və sanitar təchizatı təşkil ediblər.

Müharibənin psixoloji təsirini azaltmaq üçün müalicə ilə yanaşı, müxtəlif əlavə xidmətlər də göstərilirdi.

Əyləncə və keyfiyyətli vaxt üçün imkanlar yaradılmışdı. İşçilər və yerli sakinlər bu məqsədlə hətta səhnəciklər və xor dəstələri da qurublar.

Franja Partizan Xəstəxanası YUNESKO-nun İlkin Dünya İrs Siyahısına daxildir.

Franja Partizan Xəstəxanası Avropada beynəlxalq ittifaqın və müqavimətin simvolu hesab olunur.

Bu gün də muzey kimi fəaliyyətini davam etdirir.

18 sentyabr 2007-ci ildə kütləvi daşqınlar Franja Partizan Xəstəxanasını viran etdi. 2010-cu ilin may ayında bərpa edilərək yenidən muzey kimi istifadəyə verilmişdir.

Aysel

Nasistlərin heç vaxt tapmadığı sirli xəstəxana - FOTO