Elmi tədqiqatlarda da süni intellektdən istifadə ediləcək
Yeni araşdırmalara görə, süni intellekt artıq yalnız texniki vasitə deyil, elmi tədqiqatların bütün mərhələlərində fəal iştirak edən tərəfdaş rolunu oynamağa başlayıb.
Sfera.az xəbər verir ki, tədqiqatda süni intellektin bəzi hallarda yalnız köməkçi alət olmaqdan çıxaraq, elmi qərarların təşəbbüskarı və istiqamətverici qüvvə kimi çıxış etdiyi qeyd olunur. Bu texnologiyanın düzgün tətbiqi tədqiqat prosesində həm maliyyə xərclərini, həm də vaxt itkisini əhəmiyyətli dərəcədə azaldır.
Bununla yanaşı, müəlliflik hüququ, elmi etika və insan nəzarətinin zəruriliyi kimi məsələlər aktual qalmaqda davam edir. Mütəxəssislər hesab edirlər ki, yaxın illərdə süni intellektin elmi tədqiqatlarda hüquqi statusu, məsuliyyət daşıma qabiliyyəti və müstəqil yaradıcılığı ilə bağlı geniş müzakirələr aparılacaq.
Fidan Hacızadə
Sfera.az
