Məşhur kahinlərin iddialarına görə, bu il yadplanetlilərlə əlaqə, texnoloji sıçrayış və tibbdə inqilabi dəyişikliklər baş verə bilər.

Sfera.az Britaniyanın “Mirror”nəşrinə istinadən xəbər verir ki, Baba Vanqa və braziliyalı Atos Salome 2025-ci ilin bəşəriyyət üçün həlledici il olacağını proqnozlaşdırıblar.

Hər iki mistik şəxs bu ilin yadplanetlilərlə təmas və insan həyatını dəyişəcək texnoloji irəliləyişlərlə yadda qalacağını bildirib.

1996-cı ildə vəfat edən bolqar kahin Baba Vanqa sağlığında böyük idman tədbiri zamanı dünya ilə yadplanetli varlıqlar arasında ilk əlaqənin qurulacağını irəli sürmüşdü. Cari ildə keçiriləcək Qadınlar arasında Avropa çempionatının finalı, Reqbi üzrə Dünya Kuboku və Formula 1 yarışları bu ehtimalla əlaqələndirilir.

Atos Salome isə hesab edir ki, NASA-nın Ceyms Uebb teleskopu bu il yadplanetli həyatın varlığını sübut edə bilər. O bildirib ki, ABŞ kimi ölkələr UFO sənədlərinin məxfiliyini aradan qaldırmağa başlayıb və bu, tarixi kəşfə zəmin yaradır.

Salome deyib:

“Əgər bu baş verərsə, insanlığın kainat və öz varlığı haqqında anlayışında inqilabi dəyişiklik olacaq”.

Baba Vanqa 2025-ci ildə tibb sahəsində də böyük sıçrayışlar olacağını proqnozlaşdırıb. Onun sözlərinə görə, laboratoriyada süni şəkildə yetişdirilən insan orqanları bu il reallığa çevrilə bilər.Vanqanın proqnozlarına həmçinin Avropada zəlzələlərin artması, ciddi qarşıdurmalar və Rusiyanın qlobal gücə çevrilməsi də daxildir. Onun fikrincə, Rusiya təkcə sağ qalmayacaq, həm də dünya üzərində hakim rol oynayacaq.

Atos Salome əlavə edib ki, süni intellekt, kvant texnologiyaları və tibbdəki sürətli inkişaflar insanlıq üçün ya irəliyə doğru böyük bir addım, ya da ciddi təhlükə ola bilər.

“2025-ci il ya texnoloji inqilabla yadda qalacaq, ya da nəzarəti əldən verəcəyimiz bir fəlakətin başlanğıcı olacaq”, – deyə braziliyalı vurğulayıb.

Fidan Hacızadə
Sfera.az

"2025-ci il dönüş nöqtəsi olacaq" - Baba Vanqadan proqnozlar