Otuz il əvvəl britaniyalı qadın Cheryl Thomasgood (Şeril Tomasqud) həyat yoldaşı və üç uşağını Masai qəbiləsindən Keniyalı döyüşçü ilə romantik münasibətə görə tərk etdi. İllər sonra məlum oldu ki, bu çox böyük səhv idi.

Sfera.az bildirir ki, bu yaxınlarda, 65 yaşında qadın taleyüklü qərarı və onun bütün ailəsi üçün nəticələri barədə ilk dəfə ictimaiyyət qarşısında danışıb.

1990-cı illərdə Şeril Tomasqud böyük ailəsi ilə Uayt adasında yaşayırdı. O, Mayk Meysonla evli idi və üç övlad böyüdürdü. Keniyada tətil zamanı o, Masai qəbiləsindən olan özündən 10 yaş kiçik və turistlər üçün ənənəvi rəqslər nümayiş etdirən qrupun tərkibində otelə gələn Daniel Lekimenço ilə tanış olur.

Onlar görüşdükdən bir neçə həftə sonra Şeril həyatını həmişəlik dəyişəcək bir qərar verdi. Qadın Keniyanın Samburu bölgəsinə köçmək üçün ikinci həyat yoldaşı Mayk və üç uşağını tərk edib.

"Mən böyük bir səhv etdim - bu, özümdən də böyük səhv idi, çox təəssüflənirəm, xüsusən də övladlarıma verdiyi zərərə görə" - deyə Şeril müsahibəsində bildirib.

Qəbilədəki həyat

Keniyadakı şərait ingilis qadınının öyrəşdiyindən tamamilə fərqli idi. O, yemək bişirmək, təmizlik və ovçuluqda döyüşçü ərinə kömək etmək məcburiyyətində qalmışdı. O, daxmada keçi dərisi üzərində yatıb, inək qanı və kələm yeyirmiş.

Cütlük dünya mediasında sensasiyaya çevrildi - qadının inkişaf etmiş ölkədə orta təbəqənin nümayəndəsinin rahat həyatından da aşağı naməlum bir şey üçün imtina etmək qərarı insanları şoka salmışdı.

Böyük Britaniyaya qayıdış

Şeril və Daniel 1995-ci ildə Uayt adasına qayıdaraq Sevgililər Günündə evləniblər. Hər ikisi ənənəvi Masai geyimində olub. Cütlüyün indi 27 yaşında olan Mitsy adlı bir qızı da var idi. Cütlük Şerilin əvvəlki münasibətlərindən olan üç uşağı ilə birlikdə Uayt adasındakı Nyuportda yaşayırdı.

Böyük Britaniyaya köçdükdən sonra Daniel dəyişməyə başlayıb. Şerilin nəcib döyüşçü kimi düşündüyü adam tədricən maddi şeylərə və pula aludə olub.

"O, döyüşə hazırlaşdığını və fil kimi hündürə tullanmaq istədiyini dedi. Uşaqlar bunu çox sevirdilər, lakin bir müddət sonra bu, əsəblərimə toxunmağa başladı" - deyə britaniyalı qadın xatırlayır.

Daniel daha böyük bir ev, dizayner paltarları və daim Keniyalı ailə üzvlərinə göndərmək üçün pul arzusunda idi. Əvvəlcə ona güvənən qadını özünə cəlb edən mənəviyyatı tədricən istehlakçı həyat tərzinin təsiri altında “buxarlanıb” yox olur.

Evliliyin pozulması

Cütlük tez-tez mübahisə etməyə başlayıb. Onlar bütün dünyanın diqqət mərkəzində olduğundan evliliklərinin ümidsiz olmadığını sübut etmək üçün münasibətlərini xilas etməyə çalışsalar da, mədəni fərqlər aşılmaz oldu. Şeril 1999-cu ildə, toylarından cəmi dörd il sonra, qızlarının bir yaşı olarkən Danieldən boşanıb.

İndi 65 yaşlı britaniyalı qadın Somersetdə dənizkənarı qəsəbədə tək yaşayır. O, mübahisəli keçmişini yerli əhalidən gizlədir. Dostlarından heç birinin Masai döyüşçüsü ilə qəribə münasibətindən xəbəri yoxdur.

"Mən indi qəbul edirəm ki, Maasai döyüşçüsü ilə münasibətim sadəcə problemlərdən qaçmaq idi, onların qarşısında dik dayanmaq yox” - deyə Şeril acı təcrübəsini yenidən nəzərdən keçirir.

Onun ən böyük peşmanlığı bu hekayənin uşaqlarına təsiridir.

“Daniel övladlarıma əsl ata olmaq üçün əlindən gələni etdi, lakin o, Qərb adətlərini başa düşə bilmədi” - deyə o etiraf edir.

Böyük oğlu Stivin indi 43, digəri Tomminin 41, qızı Xloyanın isə 34 yaşı var. Hər şeyə baxmayaraq, Şeril bütün uşaqları ilə yaxşı münasibət saxladığını iddia edir və kiçik qızı Mitsini bu evlilikdən çıxan “yeganə yaxşı şey” adlandırır.

Boşandıqdan sonra Maasai döyüşçüsü Uayt adasında qalıb və hazırda supermarketdə işləyir. Otuz illik sükutdan sonra hekayəsini bölüşmək qərarına gələn qadın:

"Daniel ilə əlaqəm yoxdur, amma hələ də bütün övladlarımla münasibətim yaxşıdır" - deyə o yekunlaşdırır.

Xanım

Ailəsini vəhşi qəbilədən olan bir döyüşçü üçün tərk edən qadının ETİRAFI