Bu gün hava səyahətləri adi hala gəlsə də, insanlar bəzi ölümcül qəzalarla da qarşılaşa bilərlər. Pilot Timoti Lankaster Oksfordşirdə heyrətləndirici təyyarə qəzası keçirib və 20 dəqiqə havada qalıb.

Sfera.az bu maraqlı hadisənin təfərrüatlarını təqdim edir.

Timoti Lankaster təxminən 8 min metr yüksəklikdə təyyarənin kokpitindən atılıb.

Timoti Lankaster 10 iyun 1990-cı ildə adi bir gündə BAC1-11-500 təyyarəsi ilə missiyaya çağırılıb.

Təyyarənin özü 1988-ci ildə “British Airway” donanmasına gətirilmiş və bir çox missiyalar üçün istifadə edilmişdi. “British Airways”in bu reysində dörd kabin heyəti və iki pilot da daxil olmaqla cəmi 81 sərnişin olub.

Təyyarənin pilotu 42 yaşında olan və on bir mindən çox uçuş saatı olan kapitan Tim Lankaster idi.

Alastair Atchsion 39 yaşında olan və yeddi min beş yüz saatdan çox uçuşu olan ikinci pilot idi. Hər iki pilot çox təcrübəli olsalar da, uçuş zamanı baş verən bəzi müsibətlər onları rahat buraxmayıb.

Uçuşdan əvvəl iki ümumi yoxlama aparılsa da, heç bir problem müşahidə edilməyib.

Təyyarə saat 8.33 radələrində Birmingem hava limanından havaya qalxıb. Ümumi hava şəraitini nəzərə alsaq, o zaman turbulentlik səviyyəsi olduqca normal idi. Ticarət təyyarələri səkkiz min beş yüz metrə yaxın uçsa da, BAC 1-11-500 nisbətən kiçik bir təyyarə idi. Buna görə də səkkiz min metr hündürlükdə gəzirdi.

Uçuşdan təxminən yarım saat sonra pilot kabinəsinin iki şüşəsi sınıb.

Bu, kabindəki təzyiqi azaldıb və Tim Lankasteri kabinədən bayıra atıb. Lakin Lankaster çox şanslı idi, uçuş xidmətçisi Naycel Oqden pəncərədən tam çıxmamış Lankasterin topuqlarından tutub.

"Mən ön şüşənin itdiyini və Timotinin oradan çıxdığını gördüm. Təhlükəsizlik kəməri də itmişdi və mən yalnız onun ayaqlarını görürdüm".

İkinci pilot Atchison təcili enişi davam etdirmək üçün Sauthempton hava limanına mümkün qədər tez getməyə çalışırdı. Atchison idarəedicilərlə danışarkən Naycel Oqden idarəetməni itirməyə başlayıb.

Oqdenin daha çox dayana bilməyəcəyi aydın olanda Timotinin ayaqları stula bağlanır.

Bütün bunlar baş verərkən Lankasterin köynəyi küləyin gücündən qopmuşdu. Bu prosesin ən pis tərəflərindən biri də bütün vaxt ərzində Timotinin gözlərini yuma bilməməsi idi. Nəticədə o, daim səmada potensial ölümü görməyə məcbur olmuşdu.

"Ən dəhşətlisi o idi ki, gözlərim lap açıq idi. Bu mənzərəni ölənə qədər heç vaxt unutmayacağam".

Saat 08.50 radələrində təyyarə Sauthempton hava limanına uğurla eniş edib və pilot kabinəsinə qayıda bilib. Təcili xidmətlər təyyarəni yerə endirmək və kapitana ilkin tibbi yardım göstərmək üçün orada gözləyib.

Təyyarə eniş etdikdən sonra Timotinin yalnız yüngül xəsarətlər aldığı məlum olub. Təcili yardım işçiləri bir az daha çox hündürlükdə qalsa, oksigen çatışmazlığından ölə biləcəyini bildiriblər.

Xanım

20 dəqiqə havada asılı qalan pilotun HEKAYƏSİ