Təlimçisini öldürüb sirkdən qaçan filin ürəkağrıdan hekayəsi

Sirkdə yaşamağa məcbur olan Tayk adlı fil körpə ikən qaçırıldığı gündən bəri heç vaxt azadlıq bilməyib. O, ömrünün 21 ilini qəfəslərdə, qışqıraraq, döyülərək keçirib. İllərdir basdırdığı qəzəbi ilə səhnəyə çıxanda onu daha dayandırmaq olmurdu. O, ancaq yarım saat azadlığı özünü küçələrə atanda
yaşaya bilib... Taykın hekayəsi ürək ağrıdır.

Sfera.az bu yazıda təlimçisini öldürüb sirkdən qaçan filin hekayəsini təqdim edir.

Tayk 1970-ci illərin əvvəllərində Mozambikdə anadan olub.

O, körpə ikən vəhşi təbiətdən götürülərək Amerikaya göndərilib və burada sirklərdə istifadə üçün heyvanlar tədarük edən “Hawthorn Corporation” şirkətinə satılıb. Sonrakı illərdə o, gündə orta hesabla 22 saatı zəncirlə və çubuqlarla işləyən məşqçilərin nəzarəti altında keçirdib.
 

Onun məşqi qışqırıq, təhqir və cəzalarla dolu idi. Hətta keçmiş məşqçisi Sally Joseph (Salli Jozef) onu "bədbəxt düşərgəçi" kimi təsvir edib. Tayk hər keçən il daha üsyankar oldu. 1993-cü ildə Pensilvaniyada bir şou zamanı məşqçilərini silkələyib qaçmağa çalışanda siqnallar aydın idi: fil artıq müqavimət göstərmişdi, lakin təəssüf ki, o qışqırıqlar hələ də eşidilmirdi.
 

Tayk 20 avqust 1994-cü ildə Havayda çıxış etmək üçün arenaya aparıldı.
 

Tamaşaçılardan heç kim onun nə qədər qəzəbləndiyini bilmirdi. Şou başlayanda o, ilk olaraq idarəçisi William Beckwortha (Uilyam Bekvort) hücum etdi. Əvvəlcə tamaşaçılar bunun hiylə olduğunu düşünsələr də, hadisələr tez bir zamanda dəhşətli oldu. Təlimçi Allen Kempbell işə qarışanda Tayk onu da öldürdü.
 

Tayk daha sonra arenadan atılaraq Honolulu küçələri ilə qaçıb. Qaçış 20 illik əsirlikdən sonra yarım saatlıq azadlığa bərabər idi. Polis dayandırmaq üçün Tayka 87 dəfə atəş açıb. Fil avtomobilin üzərinə düşüb və ölüb. Onu hadisə yerindən uzaqlaşdıran şəxs Taykın gözlərində yaş gördüyünü deyib.
 

Taykın ölümündən sonra Havay adalarında şoularda vəhşi heyvanlardan istifadə edilməsinə qarşı güclü etirazlar yaranıb.
 

Bəzi sirklər heyvanları proqramlarından çıxarıblar. Təklif olunan qadağa hadisədən dərhal sonra qüvvəyə minməsə də, Havay 2018-ci ildə vəhşi heyvanların sirklərdə istifadəsini rəsmən qadağan edib.
 

Taykın uzun illər çalışdığı “Hawthorn Korporasiyası” isə 2004-cü ildə Heyvanların Rifahı Aktını pozmaqda təqsirli bilinib. Onun filləri daha humanist obyektlərə göndərilib. Taykın qışqırıqları ürəklərə çatsa da, təəssüf ki, hər şey onun üçün çox gec olub.

Aynil