Fransa Prezidenti Emmanuel Makronun Cənub-Şərqi Asiya səfəri zamanı həyat yoldaşı Brijit Makronla yaşadığı insident sosial mediada geniş müzakirələrə səbəb olub. Hadisə prezidentin Vyetnama çatdığı anda təyyarə qapısının açılması zamanı baş verib.

Sfera.az xəbər verir ki, “Associated Press” xəbər agentliyinin yaydığı görüntülərdə təyyarənin qapısı açıldıqdan sonra Makronun göründüyü, az sonra isə Brijit Makronun onun üzünə əli ilə vurduğu və onu geri itələdiyi aydın görünür.

Hadisə zamanı prezidentin silkələndiyi, lakin tez toparlanaraq əl yellədiyi müşahidə olunub. Brijit Makronun üzü isə kadra düşməyib.

Cütlük rəsmi qarşılanma üçün təyyarənin nərdivanından enərkən Makron həyat yoldaşına əl uzatsa da, Brijit Makron onun əlini tutmayıb. Bu məqam sosial şəbəkələrdə müzakirələrə yol açıb.

İlk olaraq görüntülərin həqiqiliyini inkar edən Makronun ofisi, daha sonra onların gerçək olduğunu təsdiqləyib. Prezidentin yaxın ətrafından olan bir mənbə hadisəni “cütlük arasında zərərsiz söz atışması” kimi qiymətləndirib. Digər bir rəsmi isə insidentin “səfər öncəsi zarafatla stressin atıldığı bir an” olduğunu bildirib.
Rəsmi dairələr hadisəyə dair mənfi rəylərin yayılmasında “Rusiyapərəst sosial media hesablarını” günahlandırıblar.

Bəsti Rəfizadə
Sfera.az

Arvadı Makronu şillələdi - FOTO - VİDEO