“McDonald’s”dan maraqlı addım - 21 yaşdan kiçik şəxslər buraxılmayacaq

ABŞ-nin Virciniya ştatının Franconia bölgəsində yerləşən bir “McDonald’s” filialı  bölgədə artan şagird zorakılığı və müştəri şikayətləri səbəbilə 21 yaşdan aşağı şəxslərin restorana girişini qadağan edib.

Sfera.az “Sözcü”yə istinadən xəbər verir ki, qərara əsasən, yalnız 21 yaşdan yuxarı şəxslər restoranın daxilinə buraxılacaq.

Yaşı 21-dən yuxarı olan müştərilər adi qaydada içəri daxil ola bilməyəcək. İçəri daxil olmaq üçün müştəri qapıdakı zəngi basmalı və işçi tərəfindən içəri buraxılmalıdır. Yeni qayda yalnız həftə içi, bazar ertəsindən cümə gününə qədər tətbiq olunur.

Qaydalara müəyyən istisnalar da daxildir. Belə ki, valideynlər ən çox dörd uşaqla birlikdə restoranda yemək yeyə bilərlər.

Qeyd edək ki, müştərilərdən bəziləri gənclərin davranışlarını tənqid edib. “NBC Washington”a danışan Steysi adlı bir müştəri, “Bu uşaqlar artıq nəzarətdən çıxıb. Heç bir hörmət və intizam yoxdur. Siqaret çəkirlər, söyüş söyürlər. Ailələri isə bu davranışlara göz yumur kimi görünür”, – deyə bildirib.

Bəsti Rəfizadə
Sfera.az