Jerar Depardyeyə 18 ay həbs cəzası verildi - O, bu əmələ görə təqsirli bilindi
Fransız kinosunun ən tanınmış simalarından biri olan, “Asteriks və Obeliks” filminin aktyoru Jerar Depardye 2021-ci ildə film çəkilişi zamanı iki qadına qarşı cinsi təcavüz etdiyinə görə məhkəmə tərəfindən 18 ay şərti həbs cəzasına məhkum edilib.
Sfera.az xarici mediaya istinadən xəbər verir ki, Paris məhkəməsində keçirilən prosesdə 74 yaşlı aktyorun 54 yaşlı dekorator və 34 yaşlı assistentinə seksual xarakterli hərəkətləri sübut olunub.
Depardye özünü günahsız hesab etsə də, məhkəmə onun cinsi təcavüz əməlində təqsirli olduğuna qərar verib.
Baş prokuror Loran Gi, aktyorun cəzalandırılmasının yanaşı, psixoloji müalicə almasını və Fransada ictimai cinsi cinayətkarlar siyahısına salınmasını da tələb edib. Məhkəmə prosesində zərərçəkən qadınların vəkilləri gərgin atmosferdən və Depardyenin hüquq müdafiəçilərinin təhqiramiz yanaşmasından narazılıqlarını bildiriblər.
Depardyenin vəkili Jeremi Assu qadınları “yalançı” və “isterik” adlandıraraq, onların “feminizm” uğrunda mübarizə apardıqlarını iddia edib. O, həmçinin məhkəmə qərarına etiraz edəcəklərini açıqlayıb.
Hazırda aktyorun harada olduğu bilinmir. O, sonuncu dəfə bu ilin aprelində Portuqaliyanın Azor adalarında çəkilən bir film layihəsində iştirak edərkən görülüb. Depardye eyni zamanda 29 yaşlı aktrisa Şarlotta Arnunun təcavüz iddiası ilə bağlı başqa bir cinayət işi üzrə də istintaqa cəlb olunub. Prokurorlar bu işin də məhkəməyə verilməsini tələb ediblər.
Bəsti Rəfizadə
Sfera.az
