Dünyanın ən xoşbəxt ölkələri - İlk sıra dəyişməz qalıb
Dünyanın ən xoşbəxt ölkələrinin adları və reytinqi açıqlanıb.
Sfera.az bu barədə 2025-ci il Dünya Yaşam Məmnuniyyəti Hesabatına (World Happiness Report 2025) istinadən xəbər verir.
Hesabatda 2022–2024-cü illər üzrə 147 ölkənin sakinlərinin həyat məmnuniyyəti qiymətləndirmələri əsasında sıralama təqdim edilib.
Finlandiya ardıcıl səkkizinci dəfə dünyanın ən xoşbəxt ölkəsi seçilib və 7.736 bal toplayıb.
İlk onluqda əsasən Skandinaviya ölkələri üstünlük təşkil edir:
1. Finlandiya
2. Danimarka
3. İslandiya
4. İsveç
5. Niderland
6. Kosta-Rika
7. Norveç
8. İsrail
9. Lüksemburq
10. Meksika
Türkiyə 2025-ci il hesabatında 94-cü yerdə qərarlaşıb və əvvəlki illə müqayisədə dörd pillə irəliləyərək 5.262 bal toplayıb. Azərbaycan isə 4887 bal ilə 104-cü yerdə qərarlaşıb.
ABŞ 24-cü yerə düşərək tarixində ən aşağı mövqeyini tutub. Bu geriləmənin səbəbləri arasında sosial təcrid, tək yemək vərdişləri və artan "ümidsizlik ölümləri" (intihar, alkoqol və narkotik istifadəsi ilə bağlı) göstərilir.
Ən aşağı sıralarda isə Əfqanıstan (147-ci), Syerra Leone və Livan kimi ölkələr yer alıb.
Firuzə Əliyeva
Sfera.az
