Ağıllı insanlar ən çox bu 2 BÜRCƏ aşiq olur

Dünyanın ən ağıllı insanlarının bürcləri illərdir maraq doğurduğu kimi, onların sevdiyi və aşiq olduğu bürclər də astroloqların diqqət mərkəzindədir.

Sfera.az xəbər verir ki, son araşdırmalara görə, yüksək intellektə sahib insanların ən çox aşiq olduğu iki bürc - Oğlaq və Balıq - hesab olunur.

Astroloji baxımdan insanların intellekt səviyyəsi Merkuri və Uran planetlərinin doğum xəritəsindəki mövqeyinə bağlı olaraq qiymətləndirilir. Bununla yanaşı, aşiq olduqları bürclər də onların duyğusal və zehni uyğunluğu ilə əlaqələndirilir.

Astroloqlar bildirirlər ki, Oğlaq bürcü intizamı, real yanaşmaları və zəhmətkeşliyi ilə ağıllı insanların diqqətini çəkir. Oğlaqlar münasibətlərdə sabitlik və etibar axtardıqları üçün uzunmüddətli əlaqələr üçün ideal tərəfdaş sayılırlar. Eyni zamanda onların praktik zəkası, ziyalı şəxslərlə emosional və intellektual uyğunluq yaradır.

Balıq bürcü isə daha çox duyğusal və ruhani bağlarla seçilir. Güclü empatiya qabiliyyəti, şəfqəti və emosional dərinliyi ilə Balıqlar da ağıllı insanların cazibəsinə düşür. Onların sirli və dərin dünyası intellektual şəxsləri valeh edə bilir.

Məsələn, məşhur alim Albert Eynşteyn Balıq bürcü idi və həyatında Oxatan və Oğlaq bürcü qadınlara aşiq olub. Texnologiya dahisi İlon Mask isə xərçəng bürcüdür və aşiq olduğu qadınlar arasında Balıq və Tərəzi bürcü nümayəndələri olub.