Merilin Monronun ölümü ilə bağlı yeni iddia: “Onu bir iş adamı öldürtdü”
ABŞ-nin məşhur ulduzu Merilin Monronun ölümü ilə bağlı yeni və sarsıdıcı bir iddia irəli sürülüb. Amerikalı müğənni və aktrisa Cennifer Lopezin uzun illərdir birlikdə çalışdığı prodüser və yazıçı Elaine Qoldsmit Tomas, ilk romanı "Climbingin Heelsdə" Hollivudun qaranlıq sirlərini gün üzünə çıxarıb.
Sfera.az xarici mediaya istinadən xəbər verir ki, Qoldsmit Tomasın sözlərinə görə, o zaman teatr şöbəsində katibə işləyərkən ofisə gələn yaşlı bir kişi Merilin Monronun qətl edildiyini etiraf edib.
Kişinin dedikləri belə olub:
“Merilini öldürdülər. Mən istəmədim. Onu sevirdim. O mənə "Milton əmi" deyirdi. Amma o, nəzarətdən çıxmağa başlamışdı… bu səbəbdən öldürdülər”.
Qoldsmit Tomas daha sonra bu şəxsin məşhur aktyor Peter Lavfordun meneceri, Hollivudun tanınmış simalarından Milt Ebbins olduğunu öyrəndiyini bildirib. Qeyd edək ki, Ebbins bir zamanlar Frank Sinatra, Sammy Davis və Kennedi ailəsi ilə yaxın münasibətləri ilə tanınırdı.
Bu etiraf Merilin Monronun ölümünün illərdir davam edən müəmmasına yeni bir işıq salır və onun intihar yox, qəsdən öldürüldüyü iddialarını bir daha gündəmə gətirir.
Qeyd edək ki, Merilin Monro 1962-ci ildə, 36 yaşında vəfat etmişdi. Rəsmi olaraq onun ölümü “həddindən artıq yüksək doza qəbulu” kimi qeydə alınsa da, illərdir bu hadisə ilə bağlı müxtəlif sui-qəsd iddiaları irəli sürülür.
Bəsti Rəfizadə
Sfera.az
