Elm dünyasının son 60 ildə kainatın başlanğıcını izah etmək üçün əsas götürdüyü "Böyük Partlayış" nəzəriyyəsi öz aktuallığını itirir. Yeni bir nəzəriyyə, kainatın tək bir partlayışla yaranmadığını, əksinə bir çox kiçik və sürətli partlayışlarla böyüdüyünü irəli sürür. Bu yeni yanaşma, bu gün gördüyümüz kainatın strukturlarını daha asanlıqla izah edə bilər.

Sfera.az "NTV"yə istinadən xəbər verir ki, Alabama Universitetinin professoru Riçard Lieu kosmologiyanın ən köklü və uzun müddətdir qəbul edilən nəzəriyyələrindən birinə qarşı çıxır.

Lieu partlayışların hər birinin kosmosa yeni maddə və enerji yaydığını, bu maddələrin isə planetləri, ulduzları və qalaktikaları yaratdığını irəli sürür.
"Böyük Partlayış" nəzəriyyəsi isə kainatın çox sıx və yığılmış maddə və enerjinin sonsuz dərəcədə kiçik, isti bir nöqtə olaraq başladığını və bu nöqtənin sürətlə genişlənən maddə və enerji axınına çevrildiyini irəli sürür.

"Böyük Partlayış" nəzəriyyəsi 1960-cı illərdən bəri kainatın mənşəyi haqqında qəbul edilən izahdır. Lakin Lieu, öz nəzəriyyəsinin bu məhdudiyyəti aşdığını və kainatın yaranışı üçün yeni bir çərçivə təqdim etdiyini düşünür.

Lieunun sözlərinə görə, bu nəzəriyyə, bu gün gördüyümüz kainatın strukturunu və qaranlıq maddəyə ehtiyac olmadan nə üçün sürətlə genişlənməsini izah edə bilər. "Böyük Partlayış" nəzəriyyəsinə görə, qaranlıq maddə, kainatdakı bütün strukturları bir arada tutan görünməz “skelet”dir, qaranlıq enerji isə kainatın getdikcə daha sürətli genişlənməsini təmin edən tapılmayan bir qüvvədir.

Bu sirli maddələrin var olduğunu qəbul etmədiyimiz halda, bu nəzəriyyə çökə bilər. Kainatın genişlənmə sürətinin artdığını göstərən müşahidələrə görə, qaranlıq enerjiyə ehtiyac duyulur.

Bəsti Rəfizadə

"Böyük Partlayış"a inam azalır - Kainat necə yaranıb?