Yer planetində həyat nə zaman sona çatacaq ? - Araşdırma
NASA və Yaponiyanın Toho Universitetinin alimləri Yer planetinin gələcəyinə dair proqnoz açıqlayıb. Aparılan araşdırmalara görə, təxminən bir milyard il sonra Yer üzərində həyat tamamilə mümkünsüz olacaq. Səbəb isə Günəşin getdikcə artan enerji yayımıdır.
Sfera.az xəbər verir ki, alimlərin bildirdiyinə görə, Günəşin istilik emissiyasının artması nəticəsində Yer səthindəki temperatur sürətlə yüksələcək. Bu isə oksigenin atmosferdən yox olmasına, suyun buxarlanaraq atmosferə qarışmasına və nəticədə planetimizin tanınmaz bir səhra halına gəlməsinə səbəb olacaq.
Hazırda bu ssenari uzaq bir gələcəyə aid olsa da, ilk dəyişikliklər artıq müşahidə edilir. NASA-nın qeydə aldığı artan Günəş partlayışları Günəşin enerji emissiyalarında nəzərəçarpacaq dəyişikliklərin başladığını göstərir. Bu dəyişikliklər Yer atmosferində oksigen azalmasına və planetin daha da isinməsinə səbəb olur.
Alimlər bildirir ki, Yeri xilas etmək üçün qəti bir yol olmasa da, texnologiyadakı inkişaflar insanlığa uyğunlaşmaq üçün yeni imkanlar təqdim edə bilər. Bağlı ekosistemlərin yaradılması, yaşam dəstəkləyici sistemlərin inkişafı və Mars başda olmaqla digər səma cisimlərinin koloniyalaşdırılması bu cəhdlərin bir hissəsidir. Artıq bu istiqamətdə aparılan tədqiqatlar sadəcə bir xəyal deyil, insanlığın uzunmüddətli yaşaması üçün strateji bir plan hesab edilir.
Bəsti Rəfizadə
