1a:T791,

Dünyanın ən böyük video paylaşım platforması olan "YouTube"yə 2005-ci ildən bəri yüklənən videoların sayı 20 milyardı keçib.

Sfera.az xəbər verir ki, 2005-ci ildə keçmiş "PayPal" işçiləri Stiv Çen, Çad Hörli və Cavid Kərim tərəfindən yaradılan platforma, qısa müddət ərzində qlobal bir fenomənə çevrilib.

14 fevralda, yəni Sevgililər Günündə "YouTube.com" domeni aktivləşdirildi və 23 aprel tarixində video yükləmə funksiyası əlavə edildi.

Platformanın potensialını erkən görən "Google", "YouTube"u 2006-cı ilin noyabr ayında 1,65 milyard dollar qarşılığında satın aldı.

"YouTube"a yüklənən ilk video, qurucu ortaq Cavid Kərimin San Dieqodakı zooparkda fillərin qarşısında çəkdiyi “Me at the Zoo” (Zooparkda Mən) adlı 19 saniyəlik videodur. Bu video, indiyə qədər 356 milyondan çox izlənmə alaraq platformanın simvolik başlanğıc nöqtəsinə çevrilib.

"YouTube" illər ərzində kontent istehsalçılarının gözləntilərini aşaraq sürətlə böyüyüb. Artıq konsert kliplərindən podkastlara, siyasi reklamlardan təhsil videolarına qədər hər növ məzmunu özündə birləşdirən platformaya gündə orta hesabla 20 milyon yeni video yüklənir.

Bundan əlavə, platforma üzərində gündə təxminən 100 milyon şərh yazılmasının yüksək istifadəçi aktivliyinə və etkileşiminin nə qədər yüksək olduğunu göstərdiyini qeyd etmək lazımdır.

Bəsti Rəfizadə

4:[["$","script",null,{"type":"application/ld+json","dangerouslySetInnerHTML":{"__html":"$18"}}],["$","

"YouTube"a yüklənən videoların sayı 20 milyardı keçdi - FOTO