Bir çox insan hesab edir ki, gerçək sevgini nə qədər tez tapsan, bir o qədər yaxşıdır. Lakin astroloqlar bu fikirlə razı deyillər. Onlara görə, bəzi bürclər üçün xoşbəxt və sabit münasibətlər yalnız 30 yaşdan sonra mümkündür. Bu insanlar özlərini tanımaq, inkişaf etmək və nə istədiklərini başa düşmək üçün daha çox zamana ehtiyac duyurlar.

Sfera.az "Astrology"ya istinadən həmin 5 bürcü təqdim edir:

Buğa

Buğalar münasibətlərdə təmkinli və ehtiyatlı davranırlar, partnyor seçimində tələsmirlər. Gənclik dövründə tez-tez məyusluq yaşayırlar, çünki onların sabitlik və sədaqət tələbləri hər kəs tərəfindən qarşılanmır. Lakin 30 yaşdan sonra Buğalar nə istədiklərini tam bilir və uyğun olmayan insanlara vaxt itirmirlər. Məhz bu dövrdə onlar ideal sevgiləri ilə qarşılaşırlar.

Qız

Qız bürcləri gənclik illərində qarşılarındakı insanı çox analiz etdiklərindən münasibətlərdə harmoniya qurmaqda çətinlik çəkirlər. Onların yüksək gözləntiləri "o insanı" tapmağı çətinləşdirir. 30 yaşdan sonra isə daha müdrikləşir, yalnız ideal keyfiyyətləri deyil, həm də emosional uyğunluğu dəyərləndirməyi öyrənirlər. Bu da onların gerçək sevgini tapmasına şərait yaradır.

Əqrəb

Əqrəblər emosional cəhətdən dərin və tutqun təbiətə malikdirlər, bu da gənclikdə münasibətlərini çətinləşdirir. Onlar güclü hisslər axtarırlar, lakin onları necə idarə edəcəklərini hər zaman bilmirlər. Zaman keçdikcə özlərini daha yaxşı tanıyır, emosiyalarını nəzarətdə saxlamağı öyrənir və sabit, dərin sevgiyə açıq olurlar.

Oxatan

Gənc Oxatanlar ciddi münasibətlərdən çox, azadlıq və macəra axtarırlar. Lakin 30 yaşdan sonra onların baxışları dəyişir: artıq yalnız səyahət yox, ailə qurmaq istədikləri bir partnyor axtarırlar. Bu zaman həyat dəyərlərini paylaşan və onlarınla eyni həyatı bölüşmək istəyən insanla qarşılaşırlar.

Oğlaq

Oğlaqlar gənc yaşlarında karyera və şəxsi inkişaflarına fokuslandığından şəxsi həyata çox önəm vermirlər. 30 yaşdan sonra məqsədlərinə çatdıqları üçün özlərini sevgi üçün açmağa başlayırlar. Bu yaşdan sonra qurduqları münasibətlər inam, qarşılıqlı hörmət və ortaq dəyərlər üzərində qurulduğu üçün daha güclü olur.

Unutmayın: Əgər hələ də öz sevginizi tapmamısınızsa, məyus olmayın! Ola bilsin ki, siz sadəcə hələ də sizi xoşbəxt edəcək insanla qarşılaşmağa vaxtınız çatmayıb. Taleyə inanın - və ideal sevgi doğru zamanda gələcək. Milli.az

30 yaşdan sonra ideal sevgisini tapan 5 bürc