Qadınlar bu cür saqqal saxlayan kişiləri xoşlayır - Sorğu

Panama Katolik Universitetində aparılan yeni bir elmi araşdırma qadınların kişilərdə ən çox hansı saqqal formasını bəyəndiyini müəyyənləşdirib. Araşdırm nəticələrinə əsasən, xüsusilə gənc kişilərdə az kirli saqqal həm cəlbedicilik, həm də etibarlılıq baxımından üstünlük təşkil edir.

Sfera.az "Sözcü"yə istinadən xəbər verir ki, tədqiqat çərçivəsində müxtəlif yaş qruplarına aid kişilərin taraşlı, az kirli və tam saqqallı haldakı rəqəmsal fotoşəkilləri hazırlanaraq 171 qadın iştirakçıya təqdim olunub.

Onlardan kişiləri həm cəlbedicilik, həm də etibar səviyyəsinə görə qiymətləndirmələri istənilib.

Müəyyən olunub ki, az kirli saqqal gənc kişilərdə digər saqqal formaları ilə müqayisədə daha yüksək dərəcədə cazibədarlıq və etibar hissi oyadır. 
“Saqqallar, xüsusilə az kirli olduqda, kişilərin cəlbediciliyini artıraraq bir növ "kişi makiyajı" rolunu oynayır”, – deyə tədqiqatçılar qeyd edib. Eyni zamanda bu effektin yalnız gənc kişilərdə aşkarlandığı da vurğulanıb.

Araşdırma saqqal modasının yalnız estetik deyil, həm də sosial və psixoloji anlamlar da daşıdığını göstərən yeni faktları üzə çıxarıb.

Bəsti Rəfizadə