Güclü telefon batareyası hazırlanıb - 25 saat video izləmək olacaq
"Honor" 8 000 mAh gücünda batareyaya sahib olan ilk ağıllı telefon modelini təqdim edib. "Honor Power" adlı bu yeni telefon, batareya tutumunu artırarkən cihazın ölçülərini və qalınlığını dəyişmədən saxlayıb.
Sfera.az xarici mediaya istinadən xəbər verir ki, "Honor" bu yeni telefonla 8 000 mAh-lıq batareyanı təqdim edib.
"Honor" bu yeni model vasitəsilə, digər smartfon istehsalçılarına cihazın ölçüsünü artırmadan və qalınlığını dəyişdirmədən böyük batareyaların necə yerləşdirilə biləcəyini nümayiş etdirib.
"Honor"un açıqlamasına görə, "Honor Power"ın 8000 mAh-lıq batareyası, "Apple iPad Air 11" (2025) modelinin batareyasından belə daha güclüdüt. Bu güclü batareya ilə istifadəçilər 25 saata qədər video izləyə, 23 saata qədər "TikTok"da vaxt keçirə, 23 saata qədər internetdə gəzə və 14 saata qədər oyun oynaya biləcəklər.
Bəsti Rəfizadə
