İlin 6 ayını bir qəpik xərcləmədən dəbdəbəli kruiz gəmisində istirahətə sərf edən qadın
Kristin Kesteloo adlı qadın ilin altı ayını dəbdəbəli kruiz gəmisində keçirir. Üstəlik, bu müddət ərzində cibindən bir qəpik də çıxmır. Ərinin peşəsi sayəsində "kral kimi" yaşadığını deyən Kristin indiki həyatından çox razıdır.
Sfera.az təfərrüatları təqdim edir.
Gəlin sizi Kristina ilə tanış edək.
O, sözün əsl mənasında bizim arzularımızı yaşayır. İlin yarısını nəhəng kruiz gəmisində istirahət etməklə keçirir. Üstəlik, bir qəpik belə ödəmədən…
Qurudan yüzlərlə kilometr uzaqda olmaq çətin görünə bilər, amma Kristina üçün həyat əsl tətil kimidir.
43 yaşlı keçmiş kruiz direktoru Kristin deyir ki, o, artıq yemək bişirmək, paltar yumaq və hətta öz çarpayısını düzəltmək məcburiyyətində deyil.
"Bəzi insanlar mühakimə edə bilər, amma dünyanı bu şəkildə yaşaya bilmək həqiqətən bir imtiyazdır."
Onun əri kruiz gəmisində baş mühəndis işləyir, ona görə də Kristin “həyat yoldaşı kvotası” ilə gəmiyə pulsuz minə bilər. Əri üç ay işləyir, üç aylıq məzuniyyətdədir. Kristina da onunla səyahət edir. Kristin gəminin başqa studiya mənzillərindən heç bir fərqi olmadığını da vurğulayır.
"Bizim hamam çox dardır, otağın tərtibatı isə bir az qəribədir. Gecə tualetə getmək lazım olanda arvadımın üstündən tullanıram".
"Belə kiçik bir məkanda yaşamaq bizim daim bir-birimizə yaxın olmağımız deməkdir. Hər cütlük buna üstünlük verməz, amma biz cəmi üç ildir evliyik və bu yaxınlıqdan şikayətimiz yoxdur".
Gəmi həyatının digər çətinliyi günlərin bir-birinə qarışmasıdır. Kristin hansı gün olduğunu anlamaq üçün gəminin hansı limanda olduğundan istifadə edir. Hətta vaxt fərqinə görə bəzi ad günlərini də qaçırır.
Aysel
