Dubay küçələrində F1 maşını sürən milyarder cərimələndi - VİDEO

Lüks həyat tərzi ilə tanınan bir milyarder, bu dəfə sərhədləri bir qədər də aşaraq Dubay küçələrində Formula 1 avtomobili sürərək gündəmə gəlib. Sosial mediada yayılan görüntülərdə, şəhər içində yüksək səslə və sürətlə hərəkət edən F1 avtomobili həm təhlükə yaradıb, həm də ictimai asayişi pozub.

Sfera.az xəbər verir ki, hadisəyə dərhal müdaxilə edən Dubay polisi, sürücünü saxlayaraq ona qarşı inzibati tədbir görüb.

Qayda pozuntuları və ictimai asayişi pozduğu üçün milyarderə Dubay qanunları çərçivəsində minimum 1 milyon dirhəm (466 min manat) məbləğində cərimə tətbiq olunduğu ehtimal edilir.

Ekspertlər bildirir ki, bu cür davranışlar istər lüks, istərsə də nüfuz sahibi şəxslər tərəfindən edilsə də, qanunlar hər kəs üçün keçərlidir. Dubay hakimiyyəti, şəhər qaydalarını pozan heç bir şəxsin toxunulmaz olmadığını bir daha nümayiş etdirdi.

Lüks həddini aşdıqda, qanunlar öz sözünü deyir – xüsusən də Dubay kimi qaydalara ciddi əməl edilən bir şəhərdə.

Bəsti Rəfizadə