1a:T7bc,

Harvard Universitetinin alimi Con Brandenburq maraqlı bir iddia ilə çıxış edib. Onun iddiasına görə, Marsda bir zamanlar sivilizasiya mövcud olub. Amma yadplanetlilər tərəfindən Mars planetinə atılan nüvə bombaları nəticəsində bu sivilizasiya məhv edilib. Alimin fikrincə, bu hücum nəticəsində “Kydoniyalılar” və “Ütopyalılar” adlandırılan qədim marslılar soyqırıma məruz qalıb.

Sfera.az xarici mediaya istinadən xəbər verir ki, Brandenburq iddiasını Mars atmosferində qeydə alınan yüksək səviyyəli “Xenon-126” və “Xenon-129” izotoplarının mövcudluğu ilə əsaslandırır. Bu izotoplar xüsusilə nüvə partlayışları zamanı yaranır. Onun sözlərinə görə, bu elementlərin konsentrasiyası Marsda qeyri-adi dərəcədə yüksəkdir. Alim qeyd edib ki, bu vəziyyət Yer kürəsindəki nüvə sınaq sahələrində müşahidə olunan mənzərə ilə oxşarlıq təşkil edir.

NASA-nın məlumatına görə, Marsın Kydonia bölgəsində "Xenon-126" izotopu gözləniləndən daha yüksək səviyyədədir. Həmin bölgə həmçinin görünüşcə insan üzünü və piramidaları xatırladan meqalitik strukturlarla zəngindir. NASA bu formaları optik illüziya adlandırsa da, Brandenburq onların qədim nüvə partlayışlarından sonra yaranan qalıqlar olduğuna inanır.

Alim əlavə edib ki, Mars bir vaxtlar Yerə bənzər iqlimə, bitki və heyvanlara sahib olub. Burada yaşayan canlılar qədim misirlilər qədər inkişaf etmiş sivilizasiya qurmuşdular.

Mütəxəssislər isə Brandenburqun nəzəriyyəsini elmi sübutlardan uzaq və şübhəli sayır, Mars səthində bu cür nüvə partlayışlarına dair konkret izlərə rast gəlinmədiyini vurğulayırlar.

Bəsti Rəfizadə

4:[["$","script",null,{"type":"application/ld+json","dangero

Marsda sivilizasiya olub – "Amma atılan nüvə bombaları..."