Süni intellekt proqramlarından dələduzluq məqsədilə istifadə olunmasına dair faktlar artır.

Sfera.az xarici mediaya istinadən xəbər verir ki, "GPT-4o" proqramı vasitəsilə saxta olan şəkilləri həqiqətəuyğun formaya salmaq mümkündür.

"GPT-4o"nun yaratdığı şəkillər daha inandırıcı olur.

Texnologiya inkişaf etdikcə, dələduzların bu alətləri pis niyyətlə istifadə etmə potensialı artır. "ChatGPT"nin görüntü yaratma xüsusiyyətinin dələduzluq məqsədilə istifadə olunduğuna dair ilk hesabatlar artıq ortaya çıxıb. Bir istifadəçi sosial şəbəkədə paylaşımında "GPT-4o" ilə "BMW"nin şəklində dəyişiklik edərək onun zədələndiyinə dair saxta foto yaradıb. İstifadəçi bildirib ki, bu variantla sığorta şirkətlərini aldatmaq mümkündür.

Ehtimal edilir ki, sığorta şirkətləri bir neçə dəfə belə dələduzların qurbanına çevrilib. Süni intellektin yaratdığı bu imkanlar sığorta saxtakarlıqlarının artmasına səbəb ola bilər. Yalnız avtomobil zədələri deyil, "GPT-4o"nun eyni zamanda saxta qəbzlər, qəza şəkilləri və hətta məhsul şəkilləri yaratmaq üçün istifadə edildiyi bildirilib.

Bəsti Rəfizadə

Süni intelekt proqramları ilə sığorta şirkətləri aldadılır - FOTO