"Facebook" uşaqlara məhdudiyyət qoydu - Yad insanlarla əlaqə çətinləşəcək
"Meta" şirkəti gənc istifadəçilərin təhlükəsizliyini artırmaq məqsədilə "Instagram"da tətbiq etdiyi “Gənc Hesablar” xüsusiyyətini "Facebook" və "Messenger"a da gətirir. Bu xüsusiyyət sayəsində 18 yaşdan kiçik olan istifadəçilərin hesabları avtomatik olaraq gizli olacaq və bəzi funksiyalara girişləri məhdudlaşdırılacaq.
Sfera.az xəbər verir ki, yeni tədbirlər əvvəlcə ABŞ, İngiltərə, Avstraliya və Kanadada istifadəyə veriləcək və qısa zaman sonra digər bölgələrdə də tətbiq ediləcək.
Gənclər üçün əlavə məhdudiyyətlər arasında yad insanlarla əlaqə qurulması və həssas məzmunların göstərilməsi ilə bağlı olacaq. Bu cür əlaqələrə sıx nəzarət olacaq, 60 dəqiqəlik vaxt limiti xatırlatmaları tətbiq ediləcək və gecə saatlarında bildirişləri sükut rejiminə keçirən yuxu rejimi də mövcud olacaq.
Bu addımlar "Meta"nın uşaqların təhlükəsizliyi ilə bağlı tənqidlərə cavab olaraq həyata keçirdiyi yeniliklərdir.
Bəsti Rəfizadə
