ABŞ-nin Arizona ştatında yaşayan keçmiş model və sağlamlıq məşqçisi Troy Kasey, 20 ildir hər gün öz sidiyini içdiyini və bu metod sayəsində 100 yaşına qədər yaşamağı planlaşdırdığını açıqlayıb.

Sfera.az "En Son Haber"ə istinadən xəbər verir ki, sosial media üzərindən sağlam qidalanma və içkilərlə bağlı məsləhətlər verən Kasey, izləyiciləri ilə illərdir tətbiq etdiyi və sağlam qalmasının sirri olduğunu iddia etdiyi bu vərdişini bölüşüb.

Onun sözlərinə görə, səhər sidiyi ən çox kök hüceyrə, amin turşuları və antikor ehtiva edir. Kasey, səhər sidiyinin ilk və son hissəsini ataraq, orta hissəsini fincanda və ya şüşə qabda toplayır və içir. Hətta sidiyi fermentləşdirərək daha çox kök hüceyrə əldə etdiyini iddia edir.

Bu açıqlamadan sonra sosial mediada geniş müzakirələrə səbəb olan Kasey öz üsulunu müdafiə edərək, “Sidiyinizi içdikdə orqanizminizdə nəyin səhv olduğunu dərhal anlaya bilərsiniz”, – deyə bildirib.

Mütəxəssislər isə bu üsulun sağlamlıq üçün təhlükəli olduğunu bildiriblər. ABŞ-li tədqiqatçılar, sidiyin əsasən su və duzdan ibarət olduğunu, onun içilməsinin isə böyrəklər üçün zərərli ola biləcəyini vurğulayıblar. “Böyrəklər bədəni toksinlərdən təmizləməyə çalışır. Sidik içildikdə, həmin toksinlər yenidən bədənə qaytarılır” – deyə mütəxəssislər xəbərdarlıq ediblər.

Bəsti Rəfizadə

ABŞ-li modeldən iyrənc hərəkət - 20 ildir ki... - FOTO