Milyarderlər siyahısındakı məşhurların adları açıqlanıb.

Sfera.az bu barədə ABŞ-nin “Forbes” jurnalına istinadən xəbər verir. Sözügedən reytinq aşağıdakı kimidir:

Cerri Seynfeld: "Seinfeld" serialındakı rolu ilə yadda qalan 70 yaşlı aktyor keçən il Forbes tərəfindən milyarder elan edilib. Bildirilib ki, Seynfeldin ümumi sərvəti 1,1 milyard dollardır.

Taylor Svift: Albomları və dünya turu ilə rekordlar ardınca zirvəyə qalxan 35 yaşlı pop ulduzun ümumi sərvəti 1,6 milyard dollardır.

Arnold Şvartsenegger: 50-dən çox filmdə rol alan aktyor "Terminator" film seriyası ilə yadda qalıb. Aktyorun ümumi sərvəti 1,1 milyard dollardır.

Lebron Ceyms: 40 yaşlı əfsanəvi basketbolçu "Nike" və "PepsiCo" ilə reklam müqavilələri ilə sərvətini artırıb.

Kim Kardaşyan: Realiti-şou ulduzu kimi tanınsa da, 44 yaşlı Kardaşyan sərvətini alt paltarı brendi "Skims"ə borcludur. 1,7 milyard dollarlıq sərvətə sahibdir.

Rihanna: Uzun müddətdir albom çıxarmasa da, gözəllik brendi ilə böyük uğur qazanan müğənninin ümumi sərvəti 1,4 milyard dollardır.

Zirvədə yer alan məşhur rejissor, keçən ilin qalibi Corc Lukas birinci yeri bu il 5,3 milyard dollar qazanan Stiven Spilberqə uduzub.

Dik Vulf: 78 yaşlı yazıçı və prodüser Dik Vulf 1 milyard dollardan çox sərvəti ilə siyahıda yer alıb.

Siyahıda digər adlar da var:

Tayqer Vuds - 1,4 milyard dollar
Tayler Perri - 1,4 milyard dollar
Maqik Conson - 1,5 milyard dollar
Piter Cekson - 1,7 milyard dollar
Cey-Z - 2,5 milyard dollar
Oprah Vinfrey - 3 milyard dollar
Maykl Cordan - 3,5 milyard dollar
Corc Lukas - 5,1 milyard dollar

Fidan Hacızadə

Dünyanın ən zəngin şəxsləri- Milyarderlər siyahısında kimlər var?