Gerçək adı Vangeliya Pandeva Guşterova olan və gələcəyi görə bilmək qabiliyyəti ilə tanınan Baba Vanga, 1996-cı ildə vəfat etsə də, dünyada baş verən bir çox mühüm hadisəni əvvəlcədən proqnozlaşdırdığı iddia edilir.

Sfera.az “Daily Mail” nəşrinə istinadən xəbər verir ki, o, 11 sentyabr terror aktlarını, şahzadə Diananın ölümünü və Çinin yüksəlişini də öncədən xəbər verdiyi deyilən mistik şəxsiyyətlərdən biridir.

Son günlərdə isə onun 2025-ci il üçün verdiyi bəzi öncəgörmələrin reallaşmağa başladığı iddia olunur. Belə ki, 28 martda Asiya ölkələri Myanmar və Tailandda 7,7 bal gücündə güclü zəlzələ baş verib. Yeraltı təkanlar böyük dağıntılara səbəb olub, minlərlə insanın həyatını itirdiyi bildirilib. Eyni zamanda, Okeaniyada yerləşən Tonqa adası da 7,1 bal gücündə bir zəlzələ ilə sarsılıb və bölgədə tsunami təhlükəsi elan edilib.

Baba Vanqanın 2025-ci il üçün öncəgörmələri bunlarla bitmir. Onun proqnozlarına görə:

Avropada dağıdıcı müharibə baş verəcək və bu, qitənin əhalisinin sayına ciddi təsir göstərəcək, dünya iqtisadi böhranla üzləşəcək bu isə qlobal maliyyə sistemini sarsıdacaq və insanlığın çöküşü başlayacaq. Bu proses illərlə davam edəcək.

Baba Vanga, insan sivilizasiyasının gələcəyi ilə bağlı daha uzaq tarixlər üçün də bəzi öncəgörmələr verib:

2028: İnsanlar enerji mənbəyi kimi Veneranı kəşf edəcəklər.
2033: Qütblərdəki buzlar tamamilə əriyəcək və dəniz səviyyəsi xeyli yüksələcək.
2076: Kommunizm bütün dünyada yayılacaq.
2130: İnsanlar yadplanetlilərlə əlaqə quracaq.
2170: Quraqlıq dünyanı məhv edəcək.
3005: Dünya Marsdakı varlıqlarla müharibə edəcək.
3797: İnsanlar Yer üzünü tərk edəcək, çünki dünya yaşanılmaz hala gələcək.
5079: Dünyanın sonu gələcək.

Fidan Hacızadə

Vanqanın bu proqnozu düz çıxdı - Bu il başqa nə yaşanılacaq?