300-dən çox atom bombası partlayışına bərabər enerji buraxılıb
Myanmada cümə günü baş verən 7,7 bal gücündəki zəlzələ 300-dən çox atom bombası partlayışına bərabər enerji buraxıb.
Sfera.az xəbər verir ki, bu barədə geoloq Cess Foniks CNN-ə bildirib.
Onun sözlərinə görə, belə bir zəlzələ nəticəsində yaranan qüvvə təxminən 334 atom bombasına bərabərdir.
O, həmçinin Hindistan tektonik plitəsinin Myanmanın altındakı Avrasiya plitəsinə çırpılmasına davam etdiyi üçün sonrakı təkanların aylarla davam edə biləcəyi barədə xəbərdarlıq edib.
Foniks əlavə edib ki, Myanmadakı dağıntılar ölkədəki vətəndaş müharibəsi ilə daha da şiddətlənəcək.
Qeyd edək ki, yerli hakimiyyət orqanlarının məlumatına görə, Myanmada 1000-dən çox adam ölüb. ABŞ Geoloji Xidməti əvvəlki proqnozlarına görə, ölənlərin sayının 10 mini keçə biləcəyini təxmin edir.
Firuzə Əliyeva
