Tualetdə çox oturdu, təyyarədən qovuldu - Maraqlı hadisə

Yəhudi əsilli amerikalı İzril Lib Birləşmiş Hava Yolları və ABŞ Daxili Təhlükəsizlik Nazirliyinə qarşı məhkəmədə iddia qaldıracaq. Lib iddia edir ki, təyyarə havada olan zaman o, tualetdən zorla çıxarılıb və sərnişinlərin arasında təhqir edilir. 

Sfera.az bildirir ki, sərnişin ekipajın davranışına görə üzr və təzminat tələb edir. 

Zərərçəkmiş və onun dostu aviaşirkət və ABŞ federal hakimiyyət orqanlarından üzr istəməsini, itirilən biletlərə və mənəvi ziyana görə kompensasiya ödənilməsini tələb edirlər.

İddiaçı ifadəsində qeyd edib ki, mədə-bağırsaq problemi olduğu üçün tualetdə bir qədər çox oturmalı olub. Təyyarənin pilotlarından biri onun tualetdə çox oturmasından əsəbiləşərək tualetə hücum edib.

Lib qeyd edib ki, o, çıxmağa hazırlaşarkən pilot tualetin qapısını sındırıb, onu şalvarı aşağı halda olarkən təyyarənin dəhlizinə sürüklənib və sərnişinlər arasında çılpaq gəzməyə məcbur edilib. 

Bu azmış kimi təyyarı hava limanına endikdən sonra növbəti uçuşdan uzaqlaşdırılıblar, amma əvəzində hər hansı ödəniş almayıblar. 
İndi hər iki zərərçəkmiş aviaşirkətdən və federal agentlikdən üzr istəməsini, həmçinin məbləği açıqlanmayan təzminat tələb edir.

Aynil