NASA astronavtları Butç Uilmor və Suni Vilyams uzun müddət kosmosda qaldıqdan sonra dünən gecə saatlarında Yerə qayıdıblar. Astronavtlar "SpaceX"in "Crew Dragon" kapsulu ilə Florida sahillərində eniş ediblər.

Sfera.az "En Son Haber"ə istinadən xəbər verir ki, dünən səhər saatlarında Beynəlxalq Kosmik Stansiyanı (ISS) tərk edən astronavtlar, iki həmkarı ilə birlikdə Yerə qayıdıblar.

Lakin astronavtların gecikmiş qayıdışı siyasi müzakirələrə səbəb olub. ABŞ-nin Prezidenti Donald Tramp və onun müşaviri, "SpaceX"in baş direktoru İlon Mask, sabir prezident Co Baydenin astronavtları siyasi səbəblərdən ISS-də saxladığını iddia ediblər.

Buna cavab olaraq, Butç Uilmor məsələ ilə bağlı açıqlamasında, NASA-nın qərarının siyasətlə əlaqəli olmadığına inandığını bildirib. ISS-nin rəhbəri Coel Montalbano isə NASA-nın Trampın tələbi ilə ekipaj rotasiyasını daha erkən həyata keçirdiyini açıqlayıb.

Bəsti Rəfizadə

Astronavtlar Yerə qayıtdı, Tramp Baydeni ittiham etdi - FOTOLAR