Böyük Britaniyada sirli tunellər aşkarlanıb - FOTO

Böyük Britaniyanın Salisbury dəmir yolu stansiyasında aparılan yenidənqurma işləri zamanı naməlum yeraltı tunellər şəbəkəsi aşkar edilib. Tunellərin hara qədər uzandığı isə hələlik məlum deyil.

Sfera.az "NTV"yə istinadən xəbər verir ki, məlumata görə, stansiyanın 5,3 milyon funt sterlinq (təxminən 250 milyon manat) dəyərində yenilənməsi zamanı köhnə bir telefon köşkünə yaxın yerdə traverslər qaldırılıb və bu zaman yeraltına doğru uzanan gizli bir tunel aşkarlanıb.

Mühəndislər tunelə daxil olduqda, taxta siqnal avadanlıqları ilə təchiz edilmiş otaqlardan ibarət geniş bir yeraltı labirint ilə qarşılaşıblar.

Tunelin stansiyanın 4-cü platformasının altına qədər uzandığı və bir vaxtlar "Whitchurch" kimi qəsəblərə pivə, alma şərabı və yumurta çəlləklərinin daşınması üçün istifadə edildiyi ehtimal olunur. Tunellə yanaşı, stansiyanın altına enən pilləkənlə girişi olun başqa bir sirli otaq da tapılıb. Lakin bu ərazidə hələ ətraflı araşdırma aparılmayıb.

Hazırda hər il iki milyona yaxın insanın istifadə etdiyi Salisbury Stansiyasında aşkarlanan bu tarixi kəşf diqqət mərkəzinə çevrilib. "Netvork Rail" şirkətinin nümayəndəsi Stiv Kelly bunu nadir tapıntı adlandırıb və belə şərh edib:

“Bu, dəmir yolundakı karyeram ərzində gördüyüm ən maraqlı kəşflərdən biridir. Bu sahədə hər gün yeni sürprizlər mümkündür”.

Bəsti Rəfizadə